Selección, avaliación e aprobación de operacións

A convocatoria de Expresións de Interese (EdI) constitúe o inicio do procedemento de avaliación, selección e aprobación de operacións establecido no apartado 4.1. do Manual de procedementos da Coruña (este documento inclúe a súa addenda de outubro de 2023)

Efectúase esta convocatoria para que os beneficiarios potenciais propoñan e expresen os seus intereses na execución de operacións incluídas nos Obxectivos Temáticos (OT) que conforman o Plan de Implementación de EidusCoruña, baixo os principios xerais de transparencia, concorrencia e non discriminación.

As Unidades Executoras (UUEE) solicitantes das EdI han de demostrar capacidade administrativa, financeira e operativa suficiente para o cumprimento das obrigacións establecidas no Documento que Establece as Condicións de Axuda (DECA). En cumprimento do establecido no art. 65.6 do Regulamento (UE) nº 1303/2013 do Parlamento Europeo e do Consello, de 17 de decembro de 2013, polo que establecen disposicións comúns e xerais relativas ao FEDER, é unha obrigación para as unidades potencialmente executoras a presentación dunha solicitude de EdI .