Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

EidusCoruña

Documentos técnicos

libros e rato

Elaborar unha estratexia urbana, ou calquera outro documento que opte a financiamento externo e que ademais pode ter repercusión na nosa vida cotiá, é unha tarefa ardua aínda que moi gratificante se se pensa nos seus posibles beneficios.

Para tratar de facilitar o máximo posible ese labor seleccionamos unha serie de documentos técnicos que foron unha base importante para a elaboración, redacción e posterior aplicación de todo o aprendido.

O "Buscador" facilitarache a selección dos documentos segundo o seu ámbito territorial: a nosa cidade e a súa contorna, autonómico, estatal e europeo.

Resultados: 57

  • Plan de aforro e eficiencia enerxética (2011-2020). IDAE

    Este Plan de Acción 2011-2020 dá continuidade aos Plans de Aforro e Eficiencia Enerxética aprobados anteriormente polo Goberno español, e pretende configurarse como unha ferramenta central da política enerxética estatal.

  • Plan de Avaliación dos Programas Operativos FEDER 2014-2020. Elementos comúns

    1 de xuño de 2018 (v14, aprobada tras os Comités de Seguimento de 2018). A avaliación pódese definir como o proceso de observación, medida, análise e interpretación encamiñado ao coñecemento dunha intervención pública, para acadar un xuízo valorativo baseado en evidencias, respecto do seu deseño, implementación, logros, resultados ou impactos. A súa finalidade é ser útil a quen deseña as políticas públicas, a quen as xestionan, ao tempo que se mostran evidencias á cidadanía dos logros que se acadaron coa intervención.

  • Plan de Avaliación Específico do Programa Operativo de España 2014-2020

    30 de maio de 2018 (v2, aprobada no Comité de Seguimento de 2018). O presente documento define o sistema de avaliación, os obxectivos, mecanismos de gobernanza e coordinación, e a previsión das avaliacións que se propón realizar sobre as intervencións do programa, cunha breve descrición do contido e o orzamento de cada unha. O obxectivo do PdE Específico do POPE é definir as condicións particulares de realización das actuacións de avaliación que se circunscriben ao ámbito do programa, dirixidas a apoiar a Autoridade de Xestión e os Organismos Intermedios na súa implementación, analizando a súa eficacia, eficiencia e impacto.

  • Plan de enerxías renovables (2011-2020) - IDAE

    O Plan de Enerxías Renovables (PER) 2011-2020 aprobouse o de 11 de novembro de 2011, establecendo obxectivos acordes coa Directiva europea 2009/28/CE, relativa ao fomento do uso de enerxía procedente de fontes renovables, e atendendo a outros mandatos que regulan a actividade de produción de enerxía eléctrica en réxime especial e a economía sustentable.

  • Plan de Infraestruturas, Transporte e Vivenda PITVI (2012-2024)

    O Plan de Infraestruturas, Transporte e Vivenda (PITVI) 2012-2024 supera o tradicional enfoque da planificación cun novo rumbo. Céntrase en dar resposta ás necesidades efectivas de mobilidade e de acceso á vivenda da sociedade española. O PITVI proporciona a visión estratéxica no horizonte 2024, en sintonía coa liña europea trazada na Rede Transeuropea de Transporte. Desta maneira ambos os instrumentos, de alcance e horizontes temporais distintos, son coherentes e refórzanse mutuamente.

  • Plan de Mobilidade e Ordenación Viaria Estratéxica 2010-2015 (Plan MOVE)

    Nas áreas metropolitanas pretende afrontar a conxestión con medidas orientadas ao aumento de capacidade das redes viarias e á diversificación de tráficos, ademais de actuacións de apoio que favorezan unha complementariedade entre o vehículo privado e o transporte público. Este plan pretende responder a unha concepción global da rede viaria galega, así como integrar a visión metropolitana. Así mesmo establece unha clasificación funcional da rede, á marxe da titularidade, de maneira que se poida entender como un sistema único. Foi impulsado inicialmente pola Consellería de Medio Ambiente, Territorio e Infraestruturas da Xunta de Galicia en 2009, e contempla un segundo horizonte temporal ata o ano 2020.

  • Plan de Mobilidade Urbana Sustentable (PMUS) 2012

    Un PMUS é unha ferramenta de planificación e concienciación para a cidadanía, administracións e axentes implicados na mobilidade, que desenvolve de forma gradual un conxunto de actuacións, con obxectivos a curto, medio e longo prazo, que potencian formas de desprazamento máis sustentables (camiñar, bicicleta, bus urbano,...). É necesario desenvolver un verdadeiro Plan de Mobilidade Urbana para cambiar o actual modelo baseado no consumo de combustible, o ruído e a contaminación provocada polo vehículo privado, cara a outro máis sustentable.

  • Plan de Ordenación do Litoral de Galicia (POL)

    O Plan de Ordenación do Litoral ten por obxecto establecer os criterios, principios e normas xerais para a ordenación urbanística da zona litoral baseada en criterios de perdurabilidade e sustentabilidade, así como a normativa necesaria para garantir a conservación, protección e posta en valor das zonas costeiras.

  • Plan de Promoción Industrial da Coruña e da súa área de influencia

    A capacidade de crecemento económico non pode nin debe depender exclusivamente do sector servizos nunha perspectiva a longo prazo. Este sector terciario constitúe unha importante fonte de emprego e renda pero o seu crecemento está condicionado polo impulso dos sectores produtivos, polo que un sector industrial potente resulta unha peza clave para o desenvolvemento dunha economía moderna e para a xeración de emprego na Coruña e a súa área de influencia.

  • Plan de Xestión de Residuos Urbanos de Galicia (PGRUG) - Actualización 2016

    O PGRUG aprobado o 13 de xaneiro de 2011 elaborouse cun carácter dinámico e flexible co fin de poder axustalo aos cambios normativos e aos avances acadados en materia de xestión de residuos ao longo do seu período de vixencia, garantindo así a optimización dos recursos, tanto económicos como tecnolóxicos. Polo tanto, procédese á súa actualización para adaptalo ao PEMAR, dando así cumprimento ás obrigas comunitarias en materia de planificación, que consiste na adaptación da estrutura, obxectivos, período de vixencia e frecuencia de avaliación e revisión.

Resultados: 57

  • Concello da Coruña
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?