Na sesión ordinaria da Xunta de Goberno Local do 19 de outubro de 2018, o Concello da Coruña ratificou as 14 primeiras operacións da estratexia EidusCoruña, o que permitiu ir elaborando e notificándolles os DECA ás unidades executoras que previamente formularan as súas expresións de interese. Estes son os documentos:

• Unidade de Xestión (UdG). Operación LA_AT. Asistencia técnica para a xestión e coordinación da Estratexia EidusCoruña, avaliación externa, control de gasto e auditoría, e contratación do persoal .
• Unidade de Xestión (UdG). Operación LA_COM. Asistencia técnica para a xestión do Plan de Comunicación da Estratexia EidusCoruña, e contratación do persoal técnico correspondente .
• Medio Ambiente: Operación  Mellora dos xardíns históricos , dentro da LA1. 
• Medio ambiente: Operación Memoria do bordo litoral e fluvial: recuperación de enclaves de costa, fontes, lavadoiros e cursos fluviais do municipio , dentro da LA2
• Medio ambiente: Operación Restauración paisaxística, medioambiental e patrimonial de lugares de interese turístico, cultural e ambiental dos barrios da cidade , que corresponde á LA3 da Estratexia EidusCoruña.
• Innovación Tecnolóxica: Operación Goberno aberto e servizos públicos electrónicos , dentro das LA9-10 xunto coa LA21.
• Turismo: Operación Plataforma WEB - Ferramenta integral de Información Turística e de Mobilidade en liña - Smart Destination (aplicación SmartCity) , que forma parte da unión das liñas LA9-10, xa que inclúe unha parte esencial do uso das TIC no modelo de xestión sostible do turismo na cidade.
• Infraestruturas: Operación Promoción da mobilidade a pé, a través de solucións de accesibilidade e diversificación dos medios de mobilidade e permeabilidade transversal en vías da cidade así como dotación de percorridos peonís . Enmárcase na LA11.
• Mobilidade: Operación Actuacións de mobilidade urbana sostible: camiños escolares interxeracionais, fomento da mobilidade en bicicleta e novos modelos multifuncionais de marquesiñas . Esta operación une 3 liñas de actuación, as LA13, 14 e 15
• Mobilidade: Operación Actuacións de mobilidade urbana sostible: Fomento da mobilidade en bicicleta , que se realizará en colaboración con EMVSA (Empresa Municipal Vivienda, Servicios y Actividades, S.A.). Enmárcase dentro da LA14.
• Infraestruturas: Operación Mellora da eficiencia enerxética da iluminación na cidade da Coruña . Correspóndese coa LA17.
• Vivenda: Operación Monitorización enerxética mediante as TIC dos barrios da cidade , dentro da LA20.
• Emprego: Operación fomento da inclusión social e laboral a través do uso das TIC , dentro da LA22.
• Vivenda: Operación Medidas de actuación nos sectores de poboación e ámbitos territoriais en situación de risco de exclusión coa finalidade de acadar a súa inclusión social e laboral , que se corresponde coa LA30.
• Participación cidadá: Operación Recuperación e xestión do parque público de locais en desuso para a súa posta a disposición da mocidade e colectivos informais , dentro da LA33.