Domentación necesaria:
- Fotocopia DNI/NIE
- Tarxeta de Demanda ou Mellora de Emprego
- Currículo de máximo un folio por unha cara
- Engadir o número de teléfono móbil
Baseado no módulo de cualificación profesional de referencia-HOT091_1: Operacións básicas de cociña. (RD 295/2004 do 20 de febreiro)
De acordo coa relación de contidos recollidos na Unidade Formativa 1 (Código: UF0053)
Específico para postos de traballo de:
- Auxiliar de cociña
- Axudante de cociña
- Encargado/a de economato e adega (hostalería)
- Empregado/a de pequeno establecemento de restauración
- Auxiliar de axuda a domicilio
- Emprego no fogar
Competencia xeral:
Preelaborar alimentos, preparar e presentar elaboracións culinarias sinxelas e asistir na preparación de elaboracións máis complexas, executando e aplicando operacións, técnicas e normas básicas de manipulación, reparación e conservación de alimentos.
Obxectivos xerais:
Capacitar o/a traballador/a para a manipulación de alimentos en materia de hixiene alimentaria para minimizar ou eliminar os riscos potenciais para a saúde das persoas consumidoras.
Co obxectivo de mellorar o nivel de empregabilidade das persoas traballadoras ou en situación de desemprego na cidade, no curso alcanzarase a titulación esixida para traballar nun posto relacionado co sector alimentario (industria, distribución, hostalería, comercio, etc.).
Obxectivos específicos:
- Analizar e aplicar as normas e condicións hixiénico-sanitarias referidas ás unidades de produción ou servizo de alimentos e bebidas, para evitar riscos de toxiinfeccións alimentarias e contaminación ambiental
- Identificar e interpretar as normas hixiénico-sanitarias de obrigado cumprimento relacionadas con instalacións, locais, utillaxe e manipulación de alimentos
- Clasificar e interpretar a etiquetaxe de produtos e útiles de limpeza máis comúns, de acordo coas súas aplicacións, describindo propiedades, vantaxes, modos de utilización e respecto ao medioambiente
- Identificar os produtos e útiles de limpeza autorizados e usar os adecuados en cada caso, atendendo ás características das unidades de produción ou servizo de alimentos e bebidas
- Clasificar e explicar os riscos e toxiinfeccións alimentarias máis comúns, identificando as súas posibles causas
- Cumprir as normas hixiénico-sanitarias e aplicar correctamente os métodos de limpeza e orde ao operar con equipos, máquinas, útiles e xéneros e ao limpar as instalacións
Contidos
1. Aplicación das normas e condicións de seguridade nas zonas de produción e servizo de alimentos e bebidas:
- Condicións específicas de seguridade que deben reunir os locais, as instalacións, o mobiliario, os equipos, a maquinaria e o pequeno material característicos das unidades de produción e servizo de alimentos e bebidas
- Identificación e aplicación das normas específicas de seguridade
2. Cumprimento das normas de hixiene alimentaria e manipulación de alimentos:
- Concepto de alimento
- Requisitos dos manipuladores de alimentos
- Importancia das boas prácticas na manipulación de alimentos
- Responsabilidade da empresa na prevención de enfermidades de transmisión alimentaria
- Riscos para a saúde derivados dunha incorrecta manipulación de alimentos
- Conceptos e tipos de enfermidades transmitidas por alimentos
- Alteración e contaminación dos alimentos: conceptos, causas e factores contribuíntes
- Fontes de contaminación dos alimentos: físicas, químicas e biolóxicas
- Principais factores que contribúen ao crecemento bacteriano
- Saúde e hixiene persoal: factores, materiais e aplicacións
- Manexo de residuos e desperdicios
- Asunción de actitudes e hábitos do manipulador de alimentos
- Limpeza e desinfección: diferenciación de conceptos
- Control de pragas: finalidade da desinfección e desratización
- Materiais en contacto cos alimentos: tipos e requisitos
- Etiquetaxe dos alimentos: lectura e interpretación de etiquetas de información obrigatoria
- Calidade hixiénico-sanitaria: conceptos e aplicacións
- Autocontrol: sistemas de análises de perigos e puntos de control crítico (APPCC)
- Guías de prácticas correctas de hixiene (GPCH)
3. Limpeza de instalacións e equipos propios das zonas de produción e servizo de alimentos e bebidas. Produtos de limpeza de uso común: tipos, clasificación.
- Características principais de uso
- Medidas de seguridade e normas de almacenaxe
- Interpretación das especificacións
- Sistemas e métodos de limpeza: aplicacións dos equipos e materiais básicos
- Procedementos habituais: tipos e execución
4. Uso de uniformes e equipamento persoal de seguridade nas zonas de produción e servizo de alimentos e bebidas
- Uniformes de cociña: tipos
- Pezas de protección: tipos, adecuación e normativa
- Uniformes do persoal de restaurante-bar
5. Primeiros auxilios en accidentes laborais na cociña e na súa contorna.