É obxecto desta convocatoria outorgar subvencións, en réxime de concorrencia non competitiva, para fomentar e apoiar a consolidación das empresas no municipio da Coruña no ano 2018. A finalidade desta convocatoria de subvencións é fomentar a consolidación das empresas do municipio da Coruña, o que contribuirá á dinamización e ao fortalecemento do noso tecido produtivo e por tanto xeración de emprego na contorna local. Esta finalidade concrétase en subvencionar a cota correspondente ao réxime especial de traballadores autónomos, calquera outro réxime especial por conta propia da seguridade social, ou de mutualidade de colexio profesional correspondente, tomando como referencia a base mínima de cotización (a cota non debe ter nin reducións nin bonificacións).