Concello da Coruña

Concello da Coruña

Reclamación económico-administrativa polo procedemento xeral

En que consiste?:

A reclamación económico-administrativa é un medio para impugnar os actos de aplicación dos tributos (xestión, inspección e recadación) e de imposición de sancións tributarias que realice a administración municipal e as entidades de dereito público vinculadas ou dependentes dela, e os concesionarios de servizos públicos aos que se encomendou a exacción dalgunha taxa ou prezo público. Polo procedemento xeral tramítanse reclamacións de contía superior a 600 euros.

A quen vai dirixido?:

Quen estea obrigado tributariamente e quen sexa suxeito infractor. Calquera outra persoa cuxos intereses lexítimos resulten afectados polo acto ou a actuación reclamable. Cando se actúe mediante unha persoa representante, deberase achegar a documentación que a acredita.

Organismo responsable:

Ayuntamiento

Prazo de presentación:

Un mes que se contará desde a recepción da notificación do acto reclamado ou desde o día seguinte a aquel en que se produzan os efectos do silencio administrativo.

Canles de presentación

Presencial

Que se necesita?:

Reclamación económico-administrativa: escrito de interposición que debe incluír:

- Nome, DNI da persoa interesada, así como da representante, cando se actúe a través dela

- Domicilio para os efectos de notificacións

- Indicación de que se presenta unha reclamación económico-administrativa

- Órgano ao que se dirixe (o/a autor/a do acto reclamado)

- Manifestación de que se remita ao TEAM da Coruña

- Solicitude de que se teña por interposta a reclamación. No caso de que se solicite telematicamente a través da sede electrónica, mediante o formulario web ao que se acceda.

Copia do acto que se impugna: copia do acto que se impugna

Documentos identificadores: cando se actúe mediante representante, deberase achegar a documentación que a acredite

Outros documentos ou probas: alegacións e probas que considere oportunas

Como se fai?:

  • De forma presencial no Rexistro Xeral. Enderezos:
    • Concello da Coruña. Praza de María Pita nº 1. C.P. 15001 A Coruña.
    • Fórum Metropolitano. Rúa Río de Monelos nº 1. C.P. 15006 A Coruña.
    • Centro Sociocultural Ágora. Lugar da Gramela, 17. C.P. 15010 A Coruña.
    • Rexistro Área Económica. Rúa da Franxa nº 21-22. C.P. 15001 A Coruña.
  • Por correo certificado dirixido ao Rexistro Xeral do concello.
  • Nos demais supostos contemplados no art. 16.4 da Lei 39/2015, do 1 de outubro, do procedemento administrativo común das administracións públicas

Internet

Que se necesita?:

Unha vez cuberta a solicitude telemática debe achegar a documentación que se indica en formato PDF.

Como se fai?:

A través da Sede electrónica.

En aplicación do artigo 14.2 da Lei 39/2015, de procedemento administrativo común, teñen a obriga de realizar este trámite, a través da Sede electrónica:

a) As persoas xurídicas

b) As entidades sen personalidade xurídica (asociacións, sociedades civís, comunidades de persoas propietarias etc.).

c) Quen exerza unha actividade profesional para a que se requira colexiación obrigatoria, para os trámites e actuacións que realicen coas administracións públicas en exercicio da devandita actividade profesional. En todo caso, dentro deste colectivo entenderanse incluídos os notarios e rexistradores da propiedade e mercantís.

d) Quen represente a un interesado que estea obrigado a relacionarse electronicamente coa Administración.

Páxina web:

Tramitación telemática

Certificado dixital:

Si

Teléfono

Máis información:

Recursos:

- Contencioso-administrativo.

- De anulación ante o propio TEAM cando se declarou a inadmisibilidade ou o arquivo da reclamación, cando se declararon inexistentes as alegacións ou probas presentadas e cando se alegue a existencia de incongruencia completa e manifesta da resolución.

Documentos relacionados

  • mod 077 Reclamación económico-administrativa (364 KB)

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión