Concello da Coruña

Concello da Coruña

Cando:

15 de outubro de 2019

O Goberno local comprométese a estudar as achegas de Ciudadanos para os orzamentos

José Manuel Lage, agradeceulle a voceira de Ciudadanos a súa “actitude positiva” de cara a elaboración das contas municipais O voceiro socialista sinalou que o feito de que existan acordos con Marea Atlántica e o BNG que levan a que empecemos un traballo intenso para poder presentar un documento acordado ao longo do próximo mes, non implica “impoñer un cordón sanitario” ao resto de grupos.

O voceiro do Goberno local, José Manuel Lage, comprometeuse a estudar as propostas de Ciudadanos para incluílas nos orzamentos como a construción dunha senda desde O Matadoiro ata a Torre de Hércules. Agradeceu na rolda de prensa tras a xuntanza desta mañá coa voceira de Ciudadanos, Mónica Martínez, "a súa posición crítica desde a oposición, pero facendo achegas positivas e buscando puntos de encontro a pesar de que os grupos políticos que representamos cada un e unha de nós non se sitúan nas mesmas coordenadas".

O goberno, lembrou o edil, mantén unha posición aberta a recibir propostas dos grupos cos que non teñen ningún acordo programático estable. "Polo tanto, non prexulgamos en ningún caso a posición que poidan adoptar diante dos orzamentos; a nosa man está tendida" e deixou a porta aberta a que Ciudadanos presente nos próximos días máis achegas. O de hoxe foi o primeiro encontro co grupo municipal de Ciudadanos para falar dos orzamentos 2020 que asentan, lembrou o voceiro, en tres piares: na reactivación económica, na mellora da política social e na aposta pola sustentabilidade, con especial fincapé nas políticas de mobilidade. Neste senso, o voceiro sinalou a responsabilidade que "temos como grupos municipais e que o importante é poñer por riba os intereses das coruñesas e coruñeses salvando as diferenzas políticas partidistas para chegarmos a algún tipo de acordo positivo para a cidade".

Lage asegurou que o Goberno municipal continúa deste xeito coa rolda de negociacións con todos os grupos. Sinalou que o feito de que existan acordos con Marea Atlántica e o BNG que levan a "que empecemos un traballo intenso para poder presentar un documento acordado ao longo do próximo mes, non implica impoñer un cordón sanitario" ao resto de grupos. Por iso, dixo, nos próximos días manteremos unha reunión co grupo municipal do Partido Popular.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión