Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Igualdad y diversidad

  • Compartir
  • Añadir a mi móvil | 
  • Imprimir

Cuándo:

22 de abril de 2019

A Xunta de goberno adxudica o novo contrato da Escola Intercultural, que case triplica o investimento actual e actúa no ámbito escolar, familiar e comunitario da veciñanza migrante

A reunión do executivo municipal tamén ratificou a actualización do canon de tratamento da planta de Nostián, unha obriga recollida nos pregos administrativos da concesión que non modifica o contrato vixente

A Xunta de goberno local (XGL) desta mañá deu o visto e prace á adxudicación do novo contrato para o desenvolvemento do servizo da Escola Intercultural, unha ferramenta dependente da Unidade de Asesoramento ás Migracións (UAMI) que ten como obxectivo desenvolver actividades de dinamización socioeducativa, así como fomentar a adquisición de competencias sociais, culturais e lingüísticas entre a poboación migrante da Coruña. Rematada a reunión do executivo municipal, o alcalde, Xulio Ferreiro, salientou ante os medios o incremento de investimento neste recurso, xa que o contrato (cunha duración de catro exercicios prorrogable a un quinto) pasa de 35.000 euros anuais a máis de 93.000 euros. "Este aumento de recursos posibilitará que as actuacións coa comunidade migrante se desenvolvan en tres ámbitos: o escolar, o familiar e o comunitario", indicou o rexedor, que destacou que o novo contrato derivará nun incremento do número de horas de atención docente. Así, co novo contrato as horas lectivas que se ofrecen a menores da comunidade migrante pasarán das 1.600 actuais a preto de 3.000. O novo prego tamén inclúe como obrigatorio a realizaron de 30 talleres naqueles colexios e institutos onde estudan os e as menores que acoden á Escola Intercultural. Estes talleres, de 90 minutos de duración e que inclúen traballo específico co profesorado, buscan tanto empoderar ao alumnado migrante como intercambiar experiencias culturais e favorecer e ampliar o coñecemento sobre as diferentes culturas e tradicións. Ademais, e tal e como no seu momento adiantou a Concellería de Igualdade e Diversidade, dirixida por Rocío Fraga, tamén se levará a cabo o novo servizo dos Venres Alternativos, para ofrecer actividades nestas xornadas, así como unha Escola de Verán, de forma que o traballo cos e coas menores teña carácter intensivo e non se abandone durante as etapas non lectivas.

En canto a outros servizos municipais relacionados coa mocidade, a XGL tamén deu o visto e prace á prorroga do actual servizo de xestión do Centro Municipal de Información Xuvenil (CMIX) até a formalización do novo contrato, que incrementa recursos e persoal e que aposta por unha mellora tanto na atención como na información ás usuarias, ampliando os puntos de atención e favorecendo un traballo en rede, máis descentralizado. Está prórroga ten unha vixencia máxima até o 2 de xuño de 2020 e un prezo estimado de 257.000 euros. Ferreiro explicou que, na realidade, este contrato "durará o tempo necesario", mentres que se tramita e se adxudica o novo contrato, cuxos pregos están xa no estadio previo ao proceso de licitación.

Noutra orde de asuntos, a reunión do goberno local tamén ratificou a revisión do prezo do canon de tratamento na planta de residuos de Nostián. O primeiro edil especificou que "non se trata dunha opción para o Concello, senón que é unha obriga recollida nos pregos administrativos da concesión". "Non se trata dunha modificación nin ampliación do contrato, como apareceu estes días nalgún medio, senón que é unha obriga contractual conforme, ademais, a sentenza xudicial que desestimaba a pretensión da concesionaria de empregar na revisión de prezos outra metodoloxía moito máis gravosa para os intereses municipais. O que fixemos esta xornada foi aprobar o canon que estará vixente en 2019, non aprobar ningún tipo de atrasos", comentou o rexedor. "O cálculo inicial do incremento de custos é de case 300.000 euros, aínda que depende das toneladas de lixo que entren na planta. Como dicía, estamos a falar dunha obriga que tamén realizaron os diferentes gobernos municipais anualmente dende o inicio da concesión até 2013, ano no que a empresa interpuxo unha demanda xudicial que, por como anteriormente dixen, Albada perdeu", recordou. A actualización do prezo do canon é obrigatoria e necesaria en moitos contratos municipais, sobre todo aqueles de longa duración, como a recollida de animais abandonados, a limpeza viaria ou o tratamento do lixo.

Licenzas urbanísticas

Noutra orde de asuntos, a Xunta de goberno local tomou coñecemento esta mañá das licenzas tramitadas pola área de Rexeneración Urbana menores a 1,2 millóns de euros durante o período comprendido entre o 2 e o 12 de abril. Neste tempo tramitáronse 195 títulos habilitantes, entre os que se computan 22 licenzas urbanísticas, 91 expedientes de obras en réxime de comunicado, 45 comunicacións previas ao inicio de actividades e 28 declaracións responsables. No ámbito urbanístico, hai tamén que destacar que a reunión do executivo aprobou o inicio do procedemento necesario para abrir un novo camiño nos Rosales que servirá para rodear a igrexa do barrio. "Damos así resposta a unha vella reivindicación da veciñanza", sinalou Ferreiro, quen indicou que este proceso se inicia ao non frutificar as negociacións do Concello co Arcebispado de Compostela, para establecer un convenio para a cesión de parte dos terreos nas inmediacións da igrexa e poder acondicionar este camiño, usado pola veciñanza dos Rosales e dos centros educativos da contorna. "Así, o que facemos é acometer unha modificación puntual no PXOM que posibilite a apertura dun viario público entre as rúas Simón Bolívar e Alfonso Rodríguez Castelao", indicou.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?