Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Igualdade e diversidade

Cando:

12 de xuño de 2018

O Concello da Coruña amosa a súa disposición a colaborar na acollida de persoas refuxiadas co Goberno do Estado, ao que pide “rectificar as políticas do anterior executivo”

O alcalde, Xulio Ferreiro, lembra que A Coruña, “leva tempo poñendo recursos propios” para acoller a veciños e a veciñas que solicitan protección internacional. A responsable de Igualdade, Rocío Fraga, reclama a colaboración da Administración central cos municipios e que o programa estatal de refuxio conte coas cidades como axentes fundamentais.

O goberno local da Coruña traslada ao Goberno do Estado a súa disposición a colaborar na acollida de persoas refuxiadas, como no caso das que se atopan no buque Aquarius, o que significa continuar na liña de traballo que mantén o Concello, "que leva tempo a poñer recursos propios a disposición das veciñas e veciños solicitantes de protección internacional". O alcalde da cidade, Xulio Ferreiro, reiterou hoxe este compromiso da Coruña, "unha das cidades refuxio que durante estes últimos anos veñen pelexando practicamente en solitario fronte a Administración central" para facer fronte, dende as súas posibilidades, no salvamento das persoas refuxiadas. O Concello dirixirá unha carta ao Goberno do Estado para formalizar o seu ofrecemento, na que tamén lle fará unha "petición extraordinaria de responsabilidade á hora de rectificar as políticas previas en materia de solicitantes de protección internacional".

A concelleira de Igualdade e Diversidade, Rocío Fraga, apunta que "as cidades precisan do compromiso da administración central, quen é que ten a competencia neste asunto, para cumprir coas obrigas adquiridas no eido internacional". "Precisamos da colaboración para ter todos os medios posibles para realoxar a aquelas persoas que así o precisen, non só neste caso, senón tamén para dar a mellor resposta ás miles de persoas que chegan ao noso país por medios propios e solicitan asilo", afirma. Por iso, Fraga reclama "que o programa estatal de refuxio conte coas cidades como axentes fundamentais e que se mellore esta iniciativa para que sexa sostible, flexible e participada, e facilite a inclusión real das persoas".  

O Goberno local pide tamén que o Goberno do Estado poña fin "ás devolucións ilegais e garanta a todas as persoas a solicitude de acceso á protección internacional", especialmente no caso dos grupos máis vulnerables, e reclama o compromiso do novo Executivo central para impulsar "políticas internacionais garantistas dos dereitos humanos".

  • Concello da Coruña
    • Ayuntamiento de A Coruña | Concello da Coruña
    • Praza de María Pita, 1. 15001 A Coruña
    • 981 184 200 ou desde dentro do termo municipal ao teléfono de atención 010
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?