Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Igualdad y diversidad

  • Compartir
  • Añadir a mi móvil | 
  • Imprimir

Cuándo:

22 de enero de 2019

O Pazo de María Pita acolle o xoves 24 unha mesa redonda con xornalistas sobre a xestión política e mediática da catástrofe do 'Prestige'

O debate, que comeza ás 19.30 horas e contará coa participación de Xosé Hermida, José Precedo e Comba Campoy, forma parte das programación de 'Máis Nunca Máis', unha exposición que recolle a creación artística e popular xurdida tras o afundimento do petroleiro

O Salón de Sesións do Pazo de María Pita será o xoves o escenario dunha mesa redonda na que xornalistas abordarán diversos aspectos das semanas posteriores á catástrofe do Prestige, como foi a xestión política ou o seu tratamento nos medios de comunicación. A actividade forma parte da programación de Máis Nunca Máis, unha iniciativa que recolle a creación artística e popular xurdida tras a catástrofe do petroleiro nunha mostra que se pode visitar na sala de exposicións municipal de Palexco ata o día  3 de marzo.

O debate, que comezará ás 19.30 horas, titúlase O Nunca Máis como fin do réxime fraguián. Dezaseis anos dun vergoñento consello de ministros, en referencia á reunión do gabinete do entón presidente do Estado, José María Aznar, que se produciu no Pazo de María Pita e do que se cumpre este xoves o seu aniversario. Na mesa participarán os xornalistas Xosé Hermida, do diario El País, José Precedo, de eldiario.es, e Comba Campoy, doutora en Ciencias da Comunicación e que foi parte do equipo do boletín Contramaré. No debate, que estará moderado polo coordinador do proxecto, Jorge Linheira, abordaranse temas como a xestión do accidente e as accións políticas posteriores, como o Consello de Ministros, entre outros.  

O proxecto, que conta coa colaboración do Concello e que está impulsado polo colectivo Unha gran burla negra, naceu coma unha acción colectiva para investigar e poñer en valor toda a creatividade popular e artística que se deu nos meses posteriores á catástrofe do Prestige. A mostra que se atopa no Palexo, e que está deseñada polo colectivo Radio Buguina, recolle preto de 1.500 imaxes, montadas en movemento grazas a 20 proxectores, que lembran ás persoas voluntarias, as e os representantes políticos da época e as manifestacións que se realizaron dende a catástrofe.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?