Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Igualdade e diversidade

Observatorio de igualdade e diversidade

QUE PROPORCIONA O OMID NO TRABALLO DO CONCELLO?

O Observatorio Municipal de Igualdade e Diversidade  (O.M.I.D.) é un recurso da Concellaría de Igualdade e Diversidade que ten a misión de facilitar a orientación das políticas municipais á superación das desigualdades existentes incidindo na inclusión da Igualdade de xénero e a Diversidade para a transformación social.

Para este cometido, o funcionamento do OMID vai tratar de incorporar a igualdade de oportunidades aos diferentes mecanismos e procesos de traballo da administración local, ademais de contribuir a un mellor coñecemento da realidade, solicitando, analizando e difundindo información sobre a situación das diversidades existentes.

En breve... Que é o O.M.I.D.?

  • Recurso municipal para a transversalidade, liderado pola Concellaría de Igualdade e Diversidade, en coordinación coa Universidade da Coruña e as asociacións e colectivos activos no ámbito das políticas de xénero e a diversidade en igualdade
  • Instrumento de análise e incidencia na transformación da realidade social para a igualdade de xénero
  • Instrumento para formular suxestións, reclamacións ou denuncias de situación que vulneren os dereitos de igualdade e diversidade.

A  creación do OMID pretende avanzar nunha liña de traballo xa existente no Concello da Coruña, complementando a análise da realidade municipal desde unha perspectiva integradora das diversidades.

Na actualidade, xa existen 2 observatorios municipais:

O Observatorio Urbano (OU) é unha ferramenta xeradora de información estatística sobre a cidade. Solicita, organiza, valida e facilita datos representativos da cidade cuxas fontes poden ser internas ou externas. Desta forma, permite un coñecemento obxectivo da realidade social, económica e ambiental do municipio herculino.

A súa información está estruturada nas seguintes áreas temáticas:  Demografía, Medio ambiente, Transporte e mobilidade, Espazo urbano, Economía, Emprego, Vivenda, Educación, Sanidade e saúde, Benestar social, Cultura e deporte, Seguridade cidadá, Participación cidadá.

O Observatorio Sociolaboral, que elabora o Servizo Municipal de Emprego, recolle e trata datos sobre a situación do mercado de traballo na cidade da Coruña, a comarca na que se integra, a provincia e a comunidade autónoma.

Os documentos e estudos que fai o observatorio son de tipo estatístico como a poboación, o paro, o nivel de formación, EPAs, contratación na comarca da Coruña, características do paro, características dos fogares (ingresos, risco de pobreza e exclusión social), nivel de formación, poboación e mercado laboral, novas tecnoloxías etc.

ESTRUTURA E FUNCIONAMENTO DO O.M.I.D.

O  OMID desenvolverá o seu cometido artellando o traballo en tres ámbitos:

  • Coordinación institucional
  • Investigación e coñecemento da realidade
  • Formación e avaliación do impacto sobre a igualdade
  • Coordinación institucional

O OMID contempla un dos elementos básicos para transversalizar a igualdade de xénero nas políticas municipais: propiciar que a responsabilidade de asumir o principio de igualdade na diversidade é asumida de manera conxunta e individualizada por todas as concellarías así como polos programas e servizos municipais. 

A coordinación institucional refírese ao entendemento e comunicación entre as diferentes concellarías e programas, así como entre cada unha destas o outras institucións públicas ou privadas.

A través desta área de coordinación institucional o persoal asignado polo Concello realiza un seguimento das accións en materia de igualdade desenvolvidas nas políticas locais.

Funcións:

  • Recoller denuncias da cidadanía en materia de igualdade de xénero e diversidade e derivalas para a súa tramitación segundo o que proceda
  • Atender ás necesidades de formalizar/modificar protocolos de coordinación e derivación que faciliten o obxectivo de igualdade e diversidade 
  • Asesorar e prestar apoio á revisión de documentos, plans de acción e normas reguladoras do concello

Estruturas:

Créase como parte da estabilidade do funcionamento do OMID a Unidade para Transversalidade de Xénero, Ética e Diversidade composta por dúas comisión de traballo:

  • Comisión Técnica Interdepartamental
  • Comisión de Seguimento das políticas transversais (Igualdade, Participación e Medio Ambiente)

Investigación e coñecemento da realidade

O OMID pretende ser o recurso municipal propiciatorio da relación ótima entre realidade social e coñecemento da realidade social.

Coa intención de aproximación máxima á realidade, o OMID desenvolverá procesos de busca de datos e de información que acheguen variables explicativas para entender as situacións, condicións de vida e posicións sociais da cidadanía da Coruña; estes procesos de investigación-acción artéllanse a través de catro propiedades: 1) sistematica, 2) organizada, 3) obxectiva e 4) interseccional.

 FUNCIÓNS: 

  • Realizar e promover estudos e análise da realidade integrando unha mirada feminista á cidade
  • Realizar diagnósticos e análise sobre o funcionamento administrativo e as necesidades de mellora para a igualdade de xénero
  • Elaborar informes e balances estatísticos sobre as desigualdade de xénero no municipio en todos os ámbitos

 Formación e avaliación do impacto sobre a igualdade

 A avaliación das políticas públicas é unha das grandes materias pendentes ás que pretende atender o OMID. Trátase de desenvolver unha liña de traballo que facilite a orientación dos proxectos, actividades e servizos do Concello da Coruña para que provoquen unha mellora da realidade e un avance favorable na igualdade atendendo ás diversidades existentes. 

 Funcións:   

  • Asesorar e/ou realizar a formación sobre igualdade de xénero e diversidade para o persoal político e técnico do concello, así como para outras entidades que estean a traballar co Concello.
  • Facilitar o acompañamento e mellora dos procesos de deseño e avaliación de como contribúen as políticas públicas na minoración das desigualdades e como iso posibilita avanzar cara a un modelo de cidade igualitaria.

DOCUMENTACIÓN E RECURSOS PARA A IGUALDADE

O traballo colectivo realizado desde os Observatorios Municipais, deu contido á elaboración e publicación dos informes 'A Coruña en cifras', unha recompilación estatística sobre a situación das mulleres e dos homes na cidade e na corporación municipal.

Actualidade

Slider Igualdade Vídeos

  • Concello da Coruña
    • Ayuntamiento de A Coruña | Concello da Coruña
    • Praza de María Pita, 1. 15001 A Coruña
    • 981 184 200 ou desde dentro do termo municipal ao teléfono de atención 010
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?