Esta nova convocatoria dos nosos enconrtos poéticos reunirá unha das revelacións poéticas galegas da última década a carón do que moitos apuntan como o mellor poeta español vivo: a coruñesa nacida en Bergondiño, Dores Tembrás, tamén pedagoga da poesía e co-creadora do selo editorial Apiario, recitará ao carón de Antonio Gamoneda, Premio Cervantes 2006, Premio Nacional de Poesía Reina Sofía.
Para público en xeral
19/02/2018
Xa rematou
20.30 h
Centro Sociocultural Ágora. Lugar da Gramela 17. 15010 A Coruña
Entrada libre até completar a capacidade
Antonio Gamoneda (Oviedo, 1931) é autor de preto de medio centenar de libros de poesía -tanto individuais como en colaboración con outros/as artistas, así como antoloxías- en boa parte reunidos baixo os títulos Edad (1988) e Esta luz (2004). Os seus poemarios máis recentes son Canción errónea (2012) e La prisión transparente (2016).
Traducido a vinte linguas distintas, publicou tamén dous libros de narrativa -constituído un deles polas súas memorias de infancia: Un armario lleno de sombra (2009)- e numerosos ensaios sobre arte e literatura, entre os que é especialmente significativo canto á súa propia poética El cuerpo de los símbolos (1997).
É Doutor honoris causa polas Universidades de Santo Domingo-Primada de América (República Dominicana), UAEM (México), Babes-Bolyai (Rumanía) e León (España), e está condecorado polas de San Luis Potosí (México), Carabobo (Venezuela) e O Cairo (Exipto). Alén diso, a Biblioteca do Instituto Cervantes de Frankfurt leva o seu nome.
En 2006 fóronlle concedidos o Prix Européen de Littérature, o Premio Reina Sofía e o Premio Cervantes, e en 2012 recibiu o Premio Argana da cultura árabe para poetas de todas as linguas. Considerado un dos mellores poetas hispánicos contemporáneos, ten ditado conferencias e lido obra súa en países de Europa, América, África e Asia, e actualmente está a traballar no seu segundo libro de memorias.
He aquí la pobreza.
Sus huesos tallados, sus gemidos, su sábana arterial.
He
aquí la pobreza.
Los gemidos van a manifestarse en un temblor de álamos, y
/concertarán su epifanía, y grandes flores se posarán en nuestras manos,
y nuestras manos dudarán entre sostenerlas y ceñir las manos de los soñado-
/res clandestinos y saludar a los grandes ausentes.
Y nacerán los niños amando y ofreciendo la teta izquierda al niño akan o
/songha.
Y cantarán abrazados los obispos destituidos y las comadres de Cantamila-
/nos, las zurcidoras unánimes.
Y los otros, ¿podrán soportar los otros la floración binaria de la música y
/la ira?
No; no podrán soportarla.
He
aquí la pobreza.
DORES TEMBRÁS
Dores Tembrás (Bergondiño, 1979) licenciouse en Filoloxía en 2001 e, despois duns anos de investigación que incluíron diferentes estadías en Suecia, Madrid e Buenos Aires, en 2008 defendeu a súa tese doutoral: La obra poética de Alejandra Pizarnik. Arquitectura de un desencuentro.
En 2009 publicou o seu primeiro poemario, O pouso do fume. A partir dese momento sucédense os traballos poéticos: Esquiagrafías, Diapositivas a clareo, Silabario e Opium. En 2013 é galardoada co Premio de Poesía Concello de Carral co libro Cronoloxía da urxencia. En 2016, publica a plaquette Auga a través.
O seus textos foron traducidos a linguas como o éuscaro, catalán, castelán, inglés, ucraíno, croata, búlgaro e estoniano, e incluídos en diversas revistas, obras colectivas e antoloxías de difusión internacional. Ademais, en 2012 viu a luz o seu primeiro libro de poesía infantil, O peizoque Roque, e en 2017 o primeiro de traducións, cartografías subterráneas, que inclúe poetas europeos da actualidade.
En 2014 funda xunto á escritora Antía Otero o proxecto cultural Apiario, cunha área dedicada á formación -apoiada en cursos de escrita creativa e poética- e outra á edición de libros. En ambos os dous eidos e dende aquela, este renovador proxecto galego será saudado cun bo número de recoñecementos e galardóns.
os demais pasan
e ti apoiada na corda
déixaste negativar
revelada con vapor de mercurio
no corpo
algo de ferro fundido
de cádavo mollado
de fume extinto
os outros
non saben
pero miran de esguello
á que desafía a gravidade
Escribe a palabra ou palabras pola/s que desexas buscar nas nosas actividades
02/04/2024
17.00 horas
Dende o 29/03/2024 ata o 02/04/2024
A inscrición comezará ás 10.00 h. A actividade está dirixida a crianzas de 3 a 6 anos (incluídos), acompañadas dunha persoa adulta. Só precisa a inscrición a/o nena/o.
Se por algún motivo non puiderdes vir á actividade, agradecemos que nolo comuniquedes para que poidan asistir outras persoas. Pídese puntualidade.
Centro Sociocultural Ágora. Lugar Gramela 17. 15010 A Coruña
02/04/2024
18.30 horas
Dende o 29/03/2024 ata o 02/04/2024
A inscrición comezará ás 10.00 h. A actividade está dirixida a crianzas de 3 a 6 anos (incluídos), acompañadas dunha persoa adulta. Só precisa a inscrición a/o nena/o.
Se por algún motivo non puiderdes vir á actividade, agradecemos que nolo comuniquedes para que poidan asistir outras persoas. Pídese puntualidade.
Centro Sociocultural Ágora. Lugar Gramela 17. 15010 A Coruña
09/04/2024
17.00 horas
Dende o 05/04/2024 ata o 09/04/2024
A inscrición comezará ás 10.00 h. A actividade está dirixida a crianzas de 5 e 6 anos (incluídos), acompañadas dunha persoa adulta. Só precisa a inscrición a/o nena/o.
Se por algún motivo non puiderdes vir á actividade, agradecemos que nolo comuniquedes para que poidan asistir outras persoas. Pídese puntualidade.
Centro Sociocultural Ágora. Lugar Gramela 17. 15010 A Coruña
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible