5 de maio de 2017
Duascentas familias coruñesas xa se apuntaron ao programa Apego, dirixido a promover a transmisión do galego a familias con nena e nenos de 0 a 6 anos
Durante os vindeiros dous meses, as e os nenas de 0 a 6 anos poderán gozar de diferentes actividades para celebrar que no Concello da Coruña lle temos Apego á lingua, o programa de pretende fomentar a transmisión do galego entre as familias. Xabier Díaz e Guillerme Fernández foron os encargados de abrir as accións coa primeira sesión do obradoiro de nanas "Arrolos de Salitre", cuxas 30 prazas se esgotaron no mesmo día en se abrir o prazo de inscrición.
A programación para nenas/os de 0 a 3 anos inclúe o espectáculo para bebés "A alfombra máxica", recomendado para o seu desenvolvemento sensorio-motriz autónomo e que será o 23 de maio ás 18.00; e, unha semana despois, Raquel Queizás presentará os seus "Nanocontos", co que se pretende estimular as habilidades de percepción espacial e psicomotricidade dos bebés a través de pequenas historias adaptadas. As inscricións para estes eventos abriranse o 8 e o 15 de maio, respectivamente.
Unha das citas máis importantes chegará o 27 de maio: a Gramola Gominola presentará no Centro Cívico dos Mallos o seu novo traballo, "Cancións para desafinar", un espectáculo baseado no seu librodisco e que está cheo de cancións música desenfadada para bailar a ritmo de rock, funk, gospel ou punk. A cita será a partir das 18.30 e as entradas, gratuítas, poderán retirarse a partir do 8 de maio en ticketea.
Xa en xuño, Pablo Díaz e Olga Kirk impartirán o 6 de xuño a partir das 18.00 o obradoiro "Son xogos, xogos sons", destinado a cativas e cativos a partir de 3 anos en que, con distintos instrumentos e músicas de diversas épocas, montarase unha pequena orquestra. Por último, o 8 de xuño, Paco Nogueiras fará brincar a rapazada cos dúas sesións do seu obradoiro "Brinca vai!, ás 17.30 e ás 19.00 h.
Pódese atopar máis información sobre estas actividades, así como as datas e os diferentes métodos de inscrición no enderezo http://www.coruna.gal/lingua, a nova páxina web do Servizo Normalización Lingüística do Concello da Coruña.
Sobre o programa Apego
Apego é un programa didáctico e lúdico dirixido a fomentar a transmisión do galego entre os nenos e nenas a través de información, recursos e actividades e no que participan 30 concellos de Galicia. Desde que A Coruña se adheriu ao programa, arredor de 200 familias xa se interesaron polo Apego.
Para formar parte del, só fai falta inscribirse na páxina web http://www.apego.gal e o Servizo de Normalización Lingüística do concello contactará para concertar unha pequena cita e ofrecer un agasallo de benvida.
Novas relacionadas
Tamén che pode interesar
Escribe a palabra ou palabras pola/s que desexas buscar nas nosas actividades
23/04/2024
17.00 horas
Dende o 19/04/2024 ata o 23/04/2024
A inscrición comezará ás 10.00 h. A actividade está dirixida a crianzas de 0 a 3 anos (incluídos), acompañadas dunha persoa adulta. Só precisa a inscrición a/o nena/o.
Se por algún motivo non puiderdes vir á actividade, agradecemos que nolo comuniquedes para que poidan asistir outras persoas. Pídese puntualidade.
Centro Sociocultural Ágora. Lugar Gramela 17. 15010 A Coruña
23/04/2024
18.30 horas
Dende o 19/04/2024 ata o 23/04/2024
A inscrición comezará ás 10.00 h. A actividade está dirixida a crianzas de 0 a 3 anos (incluídos), acompañadas dunha persoa adulta. Só precisa a inscrición a/o nena/o.
Se por algún motivo non puiderdes vir á actividade, agradecemos que nolo comuniquedes para que poidan asistir outras persoas. Pídese puntualidade.
Centro Sociocultural Ágora. Lugar Gramela 17. 15010 A Coruña
07/05/2024
17.00 horas
Dende o 03/05/2024 ata o 07/05/2024
A inscrición comezará ás 10.00 h. A actividade está dirixida a crianzas de 3 a 6 anos (incluídos), acompañadas dunha persoa adulta. Só precisa a inscrición a/o nena/o.
Se por algún motivo non puiderdes vir á actividade, agradecemos que nolo comuniquedes para que poidan asistir outras persoas. Pídese puntualidade.
Centro Sociocultural Ágora. Lugar Gramela 17. 15010 A Coruña
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible