Concello da Coruña

Concello da Coruña

Poetas di(n) versos

Poetas de Galicia e do contorno mediterráneo para o último trimestre de poetas di(n) versos.

A quen vai dirixido:

Para público en xeral

Cando:

Os días 23/04/2018, 28/05/2018, 04/06/2018

Xa rematou

Horario:

20.30 h

Enderezo:

Centro Sociocultural Ágora. Lugar da Gramela 17. 15010 A Coruña

Prezo:

Gratuita

         Mes a mes de maneira ininterrompida, a programación poética do Concello da Coruña continúa a reunir no Centro Ágora o mellor da poesía de Galicia e do resto do mundo e encara agora o último trimestre de recitais deste noveno curso consecutivo.

         Faino xuntando tres poetas en galego, chegados dende as provincias de Lugo, Pontevedra e Ourense, e outros tantos do contorno mediterráneo, dende idiomas masivos coma o árabe ata linguas en perigo de extinción coma o occitano. Poetas dende o sur de Francia, Palestina ou Barcelona, dende as propostas máis clásicas ata as máis innovadoras, darán conta da rica diversidade e altísima calidade da lírica que se escribe hoxe no ámbito galego e no internacional.

         Patrocinado pola Concellaría de Culturas da Coruña, POETAS DI(N)VERSOS é un proxecto creado pola tamén poeta e xestora cultural compostelano-coruñesa Yolanda Castaño, que o coordina dende 2009. Os actos, de arredor dunha hora de duración, son sempre abertos e gratuítos para todo o público interesado, e mostran canto pode comunicar a poesía contemporánea.

A primeira das citas permitiranos celebrar unha xornada como a do Día do Libro demostrando a boa saúde dun xénero coma o poético. Así, o luns 23 de abril a francesa Aurélia Lassaque fará parella cun nome tan consagrado das letras galegas coma o de Darío Xohán Cabana. Se el cultiva a poesía, a narrativa, a literatura infanto-xuvenil, a tradución e o ensaio en galego, ela compón versos nunha lingua en risco de desaparición: o occitano. Forte defensora da diversidade lingüística, adoita enriquecer o seu recital con pequenos cantos na súa lingua, a mesma daqueles trobadores medievais que o propio Cabana vertera para o galego. Pola súa banda, a obra de Lassaque, que está a concitar un enorme interese por toda Europa e América, foi xa traducido a un bo número de linguas.

As seguintes citas serán o 28 de maio e o 4 de xuño, cando as poéticas do palestino Najwan Darwish e as do mozo vilagarcián Antón Blanco Casás darán paso aos recitais de dúas mozas poetas ambas nadas en Ourense: Celia Parra, que desenvolve a súa obra en galego, e Miriam Reyes que, emigrante dende nena (primeiro en Venezuela, logo en Cataluña), o fai en castelán. Se eles aderezan unha poesía non exenta de contido político con altas doses de lirismo e estilización, elas apostan polo audiovi- sual e as tecnoloxías á hora de experimentar novos xeitos de comunicar unha poesía que chegou para quedar.

POETAS DI(N)VERSOS segue constituíndo a maior cita poética regular de todo o Estado español, e mereceu en 2014 o Premio da Crítica Galicia á Mellor Iniciativa Cultural.

Buscador de actividades

Escribe a palabra ou palabras pola/s que desexas buscar nas nosas actividades

Tamén podes revisar a nosa axenda de actividades

Próximas inscricións

  • "O libro máxico", de Migallas Teatro, ás 17.00 h

    Cando:

    02/04/2024

    Horario:

    17.00 horas 

    Inscricións:

    Dende o 29/03/2024 ata o 02/04/2024

    A inscrición comezará ás 10.00 h. A actividade está dirixida a crianzas de 3 a 6 anos (incluídos), acompañadas dunha persoa adulta. Só precisa a inscrición a/o nena/o. 

    Se por algún motivo non puiderdes vir á actividade, agradecemos que nolo comuniquedes para que poidan asistir outras persoas. Pídese puntualidade.

    Enderezo:

    Centro Sociocultural Ágora. Lugar Gramela 17. 15010 A Coruña

  • "O libro máxico", de Migallas Teatro, ás 18.30 h

    Cando:

    02/04/2024

    Horario:

    18.30 horas 

    Inscricións:

    Dende o 29/03/2024 ata o 02/04/2024

    A inscrición comezará ás 10.00 h. A actividade está dirixida a crianzas de 3 a 6 anos (incluídos), acompañadas dunha persoa adulta. Só precisa a inscrición a/o nena/o. 

    Se por algún motivo non puiderdes vir á actividade, agradecemos que nolo comuniquedes para que poidan asistir outras persoas. Pídese puntualidade.

    Enderezo:

    Centro Sociocultural Ágora. Lugar Gramela 17. 15010 A Coruña

  • "Os instrumentos teñen vida propia", de Laura Romero, ás 17.00 h

    Cando:

    09/04/2024

    Horario:

    17.00 horas 

    Inscricións:

    Dende o 05/04/2024 ata o 09/04/2024

    A inscrición comezará ás 10.00 h. A actividade está dirixida a crianzas de 5 e 6 anos (incluídos), acompañadas dunha persoa adulta. Só precisa a inscrición a/o nena/o. 

    Se por algún motivo non puiderdes vir á actividade, agradecemos que nolo comuniquedes para que poidan asistir outras persoas. Pídese puntualidade.

    Enderezo:

    Centro Sociocultural Ágora. Lugar Gramela 17. 15010 A Coruña

Próximas inscricións

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión