Sulay Tovar é investigadora en endocrinoloxía e nutrición no CIMUS (Centro de Investigación de Medicina Molecular e Enfermidades Crónicas da Universidade de Santiago de Compostela). 

A obesidade incrementouse de maneira considerable nos últimos anos e chega a ser unha epidemia a nivel mundial. Leva asociadas enfermidades como a diabetes tipo 2, problemas cardiovasculares, hipertensión e algún tipo de cancro. Sen dúbida o cambio no estilo de vida e o acceso a determinado tipo de comida contribuíron de maneira moi importante a este incremento.

A conferenciante explicará como o estudo dos factores que regulan o apetito, a saciedade e o gasto enerxético axudarán a entender as variacións biolóxicas existentes no control do apetito e do peso, e que contribuirán na procura de tratamentos efectivos fronte a ela.

Entrada libre ata completar a capacidade.

Organizado por CorBi Foundation, coa colaboración de Museos Científicos Coruñeses.