30 de marzo de 2019
Realizarase o sábado 30 de marzo na Domus, a partir das 10.00 da mañá, nun acto aberto ao público.
A esta final concorren tres equipos de alumnos e alumnas de secundaria da Coruña e Ourense, que defenderán os seus traballos na modalidade de Investigación Científica. Tamén, docentes de Educación Primaria de Santiago de Compostela, Carral e Miño presentarán os proxectos finalistas na modalidade que premia os mellores traballos de investigación desenvolvidos na aula co alumnado.
Tras a exposición dos traballos o xurado retirarase a deliberar e emitirá o seu veredicto, o que terá lugar sobre as 13:30 horas do mesmo sábado 30 de marzo.
Estes son os traballos finalistas:
Modalidade de Investigación Científica en Educación Primaria:
- "Poderiamos cambiar a cor dos pétalos de calquera flor usando unicamente cores primarias na auga?", presentado por María José Ferreira Pérez e Isabel Espiñeira Suárez, do CPI Castro Baxoi, Miño.
- "Como se rexeneraría a vexetación de Roxos despois dun incendio?", presentado por Manoel Iago Vázquez Rodríguez, do CEIP de Roxos, Santiago de Compostela.
- "Por que o mesmo pan en Coruña ponse brando e en Ourense ponse duro?", presentado por Ana María Bouzas Fraga, do CEIP Vicente Otero Valcarcel, Carral.
Modalidade de Investigación Científica en Educación Secundaria Obrigatoria:
- "Podemos coñecer a carga bacteriana das moedas e billetes de euro e deseñar unha carteira bactericida?", presentado por Carla Pereira Rodríguez e Ainhoa Rúa Guitián, do Colexio Plurilingüe San José - Josefinas, Ourense.
- "Como afecta a radiación de microondas ás sementes de frijol (Phaseolus vulgaris)?", presentado por Pablo Oroza, Luis Tovar e Marcos Romero, do Colexio Obradoiro, A Coruña.
- "Afecta o tipo de fertilizante, orgánico ou inorgánico, ao contido de vitamina C das verduras?", presentado por Pablo Villares Fernández, do Colexio Obradoiro, A Coruña.
Tamén che pode interesar
21 de marzo de 2024
A Casa das Ciencias, a Domus e o Aquarium Finisterrae abren todos os días de 10.00 a 19.00 horas.
7 de marzo de 2024
Trátase dunha vela realizada por escolares do CEIP Isidro Parga Pondal de Santa Cruz, Oleiros, con deseños e mensaxes sobre a conservación do planeta.
6 de febreiro de 2024
Para visitar o Aquarium ou asistir a unha sesión de Planetario será imprescindible realizar unha reserva de entradas, que poderá facerse desde o sábado 10 de febreiro. A entrada á Domus será libre.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible