O Aquarium Finisterrae propón unha actividade especial da fin de semana chamada «Aventura coas focas», unha experiencia na que se poderá participar nas tarefas de preparación da comida das focas e na súa alimentación. A actividade realízase sábados e domingos ás 11.00 horas, e está dirixida a nenos e nenas maiores de 7 anos, que deberán asistir cunha persoa adulta.

Para participar hai que preinscribirse o venres 22 de marzo a través dun formulario electrónico dispoñible aquí.

Só se admitirán os formularios de preinscrición que se reciban entre as 10.00 e as 13:00 horas do 22 de marzo.

Nesta convocatoria ofrécense 180 prazas (10 participantes por día) para as sesións que terán lugar en abril, maio e xuño de 2019.

As persoas que obteñan praza deberán aboar só o prezo de entrada ao Aquarium (excepto titulares da Tarxeta 20 e da Asociación de Amigos da Casa das Ciencias), xa que é unha actividade sen custo adicional.