11 de novembro de 2019
A Casa das Ciencias, a Domus e o Aquarium Finisterrae serán gratis do luns 11 ao domingo 17 de novembro
Os Museos Científicos Coruñeses celebran do luns 11 ao domingo 17 de novembro sete días de portas abertas, con motivo da Semana Internacional da Ciencia 2019. Durante esa semana a entrada será gratuíta na Casa das Ciencias, a Domus e o Aquarium Finisterrae.
Ademais dos contidos dos tres museos, ao longo da semana haberá outras actividades, como unha nova representación teatral de divulgación científica o venres 15, actividades interactivas relacionadas coa auga e, o sábado 16, a entrega dos Prismas á Divulgación 2019.
Este é o programa:
- Do 11 a 17 de novembro. Portas abertas na Casa das Ciencias, a Domus e o Aquarium Finisterrae, de 10.00 a 19.00 horas (o Aquarium pecha o acceso ás 18.00 horas).
- Do 14 a 17 de novembro. Actividades sobre a auga: ChoivaBox é un módulo interactivo que simula a choiva e a súa almacenaxe nunha conca hidrográfica. Actividade de realidade virtual para visualizar o interior dunha instalación de tratamento de auga. Organizado pola Cátedra Emalcsa-UDC e Emalcsa. Na Domus, no seu Laboratorio Aberto, en horario de 12.00 a 13.30 e de 16.00 a 19.00 horas.
- Venres 15 de novembro. Representación teatral El enigma Agustina. Terá lugar no auditorio do Centro Ágora o 15 de novembro ás 20.00 horas, con entrada libre ata completarse a capacidade. A obra foi premiada co Prisma Casa das Ciencias á Divulgación 2019 na modalidade de mellor proxecto singular.
- Sábado 16 de novembro. Actos de entrega dos XXXII Prismas Casa das Ciencias á Divulgación.
23 de abril de 2024
Terá lugar o sábado 4 de maio, no Parque de Santa Margarida, de 11.00 a 19.00 horas.
22 de abril de 2024
O prazo de presentación de traballos finaliza o 3 de xuño nas oito modalidades do certame
21 de marzo de 2024
A Casa das Ciencias, a Domus e o Aquarium Finisterrae abren todos os días das 10.00 ás 19.00 horas.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible