Concello da Coruña

Concello da Coruña

Cando:

14 de abril de 2019

Medio Ambiente pon en marcha o programa de limpeza e corte de maleza en vías e camiños de titularidade municipal

Os traballos, que forman parte do plan municipal de prevención de lumes, levaranse a cabo en tres quendas nun total de 26 puntos da cidade

A Concellería de Medio Ambiente puxo en marcha este mes de abril, o plan municipal de prevención de lumes, co inicio das actuacións de roza de maleza en vías e camiños de titularidade municipal no lugar de Eirís-Uxío Carré. Os traballos, que se realizan anualmente, teñen como finalidade manter controlado o crecemento da vexetación no municipio, á fin de eliminar posibles focos nos que se poidan xerar lumes, ademais de favorecer a visibilidade e accesibilidade en zonas urbanas e periurbanas. As tarefas, que se estenderán até o mes de setembro, realizaranse en tres quendas diferenciadas nun total de 26 puntos da cidade. A primeira fase, xa en desenvolvemento, ten lugar na primavera, á que segue unha segunda, prevista entre xuño e agosto para, finalmente, rematar nunha terceira quenda, que se efectuará até o 30 de setembro.

Na primeira quincena de abril, a Concellería de Medio Ambiente interveu nas zonas de Eirís-Uxío Carré, Visma-Loureiro e Bens-Penamoa. Esta semana as actuacións distribuiranse por Ventorrillo e A Silva, Os Mallos, e Os Anxos. A partir do día 26, e durante sete xornadas, os traballos efectuaranse en Mesoiro, Feáns e Vío. De seguido, no mes de maio, o plan pasará por Xubias, Castrillón-Urbanización Soto IAR e Castro de Elviña, ademais de Castro de Elviña, Nostián, Palavea, Os Castros-San Diego, Atochas-Monte Alto, Oza-Urbanización Soto, Matogrande, Gaiteira e Labañou. No mes de xuño, a limpeza de vías e camiños estenderase a Peruleiro, Mariñeiros, Santa Margarita, Portiño-Campanario, Barrio das Flores, Monelos, Riazor, Zapateira e a Sagrada Familia. A partir do 15 de xuño iniciarase a segunda pasada para a eliminación de vexetación, mentres que a terceira comezará o 9 de agosto.  

Xunto a este plan de corte da maleza en camiños, o plan de prevención de lumes complétase coa limpeza de soares de propiedade municipal e o seguimento e notificación dos terreos de propiedade privada, sobre os que o Concello non pode actuar por non ser da súa competencia.

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión