A cidade da Coruña conta coa rede municipal máis ampla de Galicia e unha das maiores desta titularidade en todo o estado. Trátase dunha rede de fondo urbano, isto quere dicir que se encontra afastada da influencia directa de determinados focos pero mantendo a súa influencia, buscando ante todo a representatividade da mostra para o conxunto da cidade.

Nelas analízanse diferentes contaminantes como dióxido de xofre, dióxido de nitróxeno, partículas en suspensión, ozono, benceno, monóxido de carbono, entre outros. Os resultados durante este período foron moi satisfactorios.

Igualmente achégase o informe específico que sobre a estación de partículas de San Diego realiza o Instituto Universitario de Medio Ambiente, grazas ao convenio que nos une con eles dende hai algúns anos.