Esta sección contén información de carácter transversal, é dicir, referida aos diferentes sectores ambientais nos que desenvolve a súa actividade o Concello da Coruña. Ten cabida neste apartado a Axenda 21 Local, por ser a principal estratexia de carácter integrado no ámbito da sustentabilidade que foi dando o seu froito en diferentes plans sectoriais. Tamén entran dentro deste concepto de xestión sustentable as diferentes certificacións coas que conta o Servizo de Medio ambiente para o mellor desenvolvemento da súa xestión, como a ISO 14001 ou a ISO 9001, xunto cos recoñecementos obtidos nos últimos anos e as redes de traballo no campo ambiental nas que participamos.