Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Coruña Sostible

5.05.2013:A Coruña contra o cambio climático

Estratexia contra o cambio climático

Resulta evidente o efecto que causa a acción humana sobre a biosfera. Os sistemas socioeconómicos humanos funcionan baixo a falsa premisa da dispoñibilidade inesgotable de recursos naturais procedentes do mundo natural, considerados como bens libres ilimitados, e a capacidade infinita deste para absorber os residuos. Pero, cada día que pasa, é tamén máis evidente que eses preceptos non se corresponden coa realidade física do planeta Terra.

A pegada ecolóxica, provocada polo consumo dos sistemas humanos, sitúase xa un 20% por encima da capacidade terrestre para satisfacer eses consumos de maneira sostible no tempo. Ese déficit ecolóxico é máis preocupante aínda se se ten en conta que os países máis desenvolvidos son os grandes responsables desa situación, pois estes posúen pegadas ecolóxicas que pasan amplamente a súa propia dispoñibilidade de territorio.

O cuarto informe do IPCC (Grupo Intergobernamental de Expertos sobre Cambio Climático das Nacións Unidas) presentado en París o pasado 2 de febreiro de 2007, relaciona a actividade humana (cun grao de certeza superior ao 90%), co cambio climático que de acordo cos datos recollidos nos últimos anos está a producirse no planeta. A temperatura global media na superficie terrestre incrementouse nos últimos 100 anos en 0,74ºC e as proxeccións indican cambios na temperatura da superficie nos últimos dez anos do século XXI con respecto aos últimos vinte anos do século XX dun rango de 1,8 a 4,0ºC. Así mesmo, a concentración atmosférica de CO2 incrementouse nun 35,36% dende a época preindustrial.

Por todo isto parece necesario adoptar medidas para reducir a emisión de gases de efecto invernadoiro, medidas que deben ser aplicadas polo conxunto das nacións, xa que nos enfrontamos a un problema a escala planetaria, e adoptadas polo conxunto dos sectores implicados (administracións, empresas, organizacións sociais e cidadanía).

De acordo co IDAE (Instituto para a Diversificación e Aforro da Enerxía, Ministerio de Industria, Turismo e Comercio), o 40% das emisións de gases invernadoiro prodúcense nas cidades, procedentes fundamentalmente do tráfico, de consumos enerxéticos ligados á vivenda e actividades relacionadas cos edificios e actividade industrial, á que habería que engadir as emisións producidas pola xestión de residuos. É polo tanto no ámbito local onde pode canalizarse unha gran parte da resposta ao cambio climático.

Pero esas evidencias e medidas globais deben estar acompañadas por unha decidida actuación local, próxima, que se articule a través dunha serie de medidas a esa escala e que axuden a evitar e paliar as graves consecuencias que o noso modelo de vida provoca sobre os equilibrios climáticos.

Compromisos da Coruña

O Concello da Coruña xa adquiriu un compromiso firme coa sostenibilidade coa sinatura da Carta de Aalborg no ano 2000. Este primeiro compromiso, oficializado polo acordo plenario, foise concretando e ampliando nos últimos anos con iniciativas como a implementación da Axenda Local 21, actuacións sostibles no ámbito dos residuos urbanos ou a introdución de novos criterios para impulsar unha mobilidade urbana máis sostible.

O Concello da Coruña a través da Estratexia Local Fronte ao Cambio Climático propón toda unha serie de actuacións dirixidas a unha redución efectiva dos gases de efecto invernadoiro producidos no municipio pola actividade urbana, contribuíndo desa maneira a cumprir cos obxectivos fixados para a comunidade internacional polo protocolo de Kioto. Doutra banda, ante as inevitables consecuencias que o cambio climático pode chegar a producir no municipio durante os próximos anos (principalmente un aumento das temperaturas e unha diminución das dispoñibilidades hídricas), a estratexia local propoñerá toda unha serie de actuacións que contribúan a mitigar os seus efectos garantindo así o benestar da cidadanía.

Avisos e eventos

  • Mapa Estratéxico do Ruido no Termo Municipal da Coruña

    Cando:

    Dende o 12/12/2017 ata o 27/01/2018

    Aberto o prazo para presentar alegacións e propostas ó Mapa Estratéxico do Ruído do Termo Municipal da Coruña.

  • Composta Coruña

    Cartel Composta Coruña

    Cando:

    Dende o 02/03/2017 ata o 01/03/2020

    Campaña de compostaxe doméstica

  • (A)COLLE PARA LLES DAR VIDA

    Campaña acollida de animais

    Cando:

    Dende o 22/11/2016 ata o 28/02/2018

    O Servizo de Medio Ambiente pon en marcha a campaña (A)COLLE de adopción responsable de cans e gatos que se atopan nol centro municipal de acollida animal

Axenda

Puntos limpos

Más información

Subscrición ao boletín co2ruña

A subscrición a este boletín realizarase no idioma de navegación actual da páxina web: Galego

Aviso legal

De conformidade co establecido no artigo 5 da Lei orgánica 15/1999, infórmase de que os datos de carácter persoal declarados polo interesado pasarán a formar parte dun ficheiro automatizado, cuxo responsable de tratamento será o Concello da Coruña, e cuxas finalidades e usos previstos serán os seguintes: Xestión de datos de identificación e contacto de cidadáns que solicitan algún tipo de información ou documentación ao Concello a través do portal web municipal. Os dereitos de acceso, rectificación, cancelación e oposición aos datos persoais rexistrados nestes ficheiros poderanse exercer ante o Rexistro Xeral do Concello da Coruña (Pza. María Pita, número 1), nos termos establecidos nos artigos 15, 16 e 17 da citada Lei orgánica 15/1999.

  • Logotipo do Concello da Coruña
    • Ayuntamiento de A Coruña | Concello da Coruña.
    • Praza de María Pita, 1. 15001 A Coruña.
    • 981 184 200 ou desde dentro do termo municipal ao teléfono de atención 010
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?