Inventario de GEI

Na imaxe móstranse os valores das emisións de CO2e nos distintos sectores

O Inventario de Emisións do Concello da Coruña realizouse de acordo coa metodoloxía GHG Protocol, calculando o CO2e. O Protocolo de Gases de Efecto Invernadoiro (GHG Protocol) é a ferramenta máis utilizada internacionalmente para cuantificar e xestionar as emisións de gases de efecto invernadoiro para administracións e organizacións. Esta metodoloxía permite cuantificar as emisións de cada tipo de fonte emisora a partir de datos cuantificables, como o consumo rexistrado de combustibles ou materias primas.

Así mesmo, para o cálculo das emisións de CO2 equivalentes seguíronse as directrices establecidas polo Parlamento Europeo para o seguimento e notificación das emisións de gases efecto invernadoiro de conformidade coa Directiva 2003/87/CE. Esta directiva establece a metodoloxía de cálculo necesaria para obter a cuantificación das emisións de CO2 a partir do tipo de combustible consumido.

Na redución das emisións derivadas da actividade industrial, o Concello non pode exercer unha acción directa. Deste xeito, o papel municipal consiste en desenvolver medidas de sensibilización e fomento da redución das emisións de CO2 no sector industrial xa que as emisións derivadas desta actividade supoñen aproximadamente un 71% do total.