Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Mercados

Cando:

10 de maio de 2018

O mercado de San Agustín acolle esta fin de semana unha nova edición do seu mercadiño, cunha vintena de propostas de deseño, tendencias, música e gastronomía

A proposta ‘Galerías San Agustín’ ofrece este sábado e domingo unha alternativa ao mercado tradicional na praza de abastos

O mercado de San Agustín acolle esta fin de semana, como ocorre dúas veces ao mes, as 'Galerías San Agustín', un proxecto no que diferentes marcas emerxentes dan a coñecer a súa oferta, na que ten cabida a moda, a arte e a decoración,  a artesanía, a arte e o emprendemento nas súas diversas disciplinas e sectores. Ao longo do sábado, en horario de 11.00 a 21.00 horas, e o domingo de 11.00 a 17.00 horas, as persoas que visiten a praza de abastos poderán coñecer a oferta dunha vintena de propostas, que estarán acompañadas da mellor música, coma a de Tout Sanders na sesión vermú do sábado, ou José Brea, ás 18:00 horas. O domingo haberá sesión vermú con DJ Chis e o concerto de Fito Mansilla ás 15.00 horas.

Ademais das marcas expositoras, o mercado contará coa participación de diferentes locais de hostalería da zona, que ofrecerán os súas mellores propostas ao longo da fin de semana. Tampouco faltarán actividades, todas elas gratuítas. O sábado, entre as 11.00 e as 15.00 horas,  haberá 'Micro sesións de Coaching Nutricional' e desde as 17.00 horas terá lugar un taller sobre manexo da ansiedade. O domingo, ás 13.00 horas, impartirase un taller de escritura creativa baixo ao título "Crea unha historia xigante". A inscrición poderá realizarse por email -a galeriassanagustin@gmail.com- ou ben no punto de información os días do evento ata  completar aforamento.

A ecoloxía tamén terá protagonismo este mes nas Galerías San Agustín, que na fin de semana do  26 e 27 de maio contarán coa presencia de máis de 20 marcas sostibles, acompañadas de música e gastronomía. Toda a información sobre este evento está dispoñible na web www.galeriassanagustin.com.

  • Concello da Coruña
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?