O Consorcio de Turismo e Congresos convoca as Xornadas Gastronómicas do Bacallau en homenaxe á obra de Picadillo "36 maneras de guisar el bacalao" nas que poden participar todos os establecementos de hostalaría da cidade.

As xornadas celebraranse do 1 ao 18 de novembro e o prazo de inscripción para particiar nelas remata o luns 1 de outubro ás 14:00 horas. Os interesados deberán cubrir o formulario de solicitude que se inclúe nas bases e remitilo a centenariopicadillo@gmail.com. Poderán participar ata un máximo de vinte establecementos e as solicitudes atenderanse por orde de inscripción.

Visitas guiadas

No marco desta conmemoración tamén se celebrarán visitas guiadas aos puntos da cidade que lembren a figura de Picadillo, entre eles, o mercado de San Agustín onde se recreará un posto antigo de bacallau. As visitas realizaranse os sábados 3, 10 e 17 de novembro.