O obxectivo desta xuntanza informativa é resolver dúbidas sobre a convocatoria para a cesión de uso de espazos no antigo cárcere provincial que aparece descrita a continuación.

---------------------------------------------------

CONVOCATORIA PARA A CESIÓN DE USO DE VARIOS ESPAZOS NO ANTIGO CÁRCERE PROVINCIAL

O Concello da Coruña, a través das concellerías de Rexeneración Urbana e Dereito á Vivenda, Culturas, Deporte e Coñecemento e Participación e Innovación Democrática publica unhas bases para a convocatoria, en concorrencia competitiva, para a cesión de usos de varios espazos no Antigo Cárcere Provincial.

A convocatoria está dirixida a entidades sen ánimo de lucro rexistradas no REMAC e ten como obxectivo o desenvolvemento de proxectos de dinamización cultural e sociocultural poñendo especial relevancia na recuperación da memoria histórica, no apoio e na posta en valor dos novos creadores locais e a promoción de actividades que non teñen lugar noutros espazos da cidade con carácter regular.

O prazo de presentación de propostas será de 45 días naturais a partir da publicación desta convocatoria no Boletín Oficial da Provincia.

*Pendente de publicación no BOP