Descubrir, aprender e construír en comunidade
Xuvenil, Asociaciones o centros escolares, Para público en xeral
27/01/2018
Xa rematou
Ás 10.00 h
Centro Sociocultural Ágora. Lugar da Gramela 17. 15010 A Coruña
Gratuíto
xuventude@coruna.es
Programa das Xornadas de Mocidade e Participación Xuvenil (344 KB)
Cartaz das Xornadas de Mocidade e Participación Xuvenil (2 MB)
As Xornadas de Mocidade e Participación Xuvenil terán lugar o vindeiro 27 de xaneiro de 2018 no Centro Ágora da Coruña, organizadas pola Concellería de Participación Cidadá, Innovación Democrática e Mocidade.
Baixo o lema "Descubrir, aprender e construír en comunidade", estas xornadas son un banzo máis na firme aposta pola mocidade que está realizando o Concello da Coruña nos últimos dous anos, posto que a mocidade precisa de políticas transversais e compromisos políticos firmes.
O obxectivo xeral da xornada é poder compartir un espazo de traballo conxunto, tanto a nivel dos concellos como para as distintas entidades e colectivos que traballan en cada territorio no campo da mocidade, para dar a coñecer os distintos proxectos, plans e programas que se están a realizar. Pretenden ser un espazo de referencia para poder encontrarnos, recoñecernos, reflexionar xuntas/os, intercambiar coñecemento e experiencias así como tecer redes formais e informais entre institucións públicas e entidades e colectivos xuvenís.
No programa, poderedes ver todos os espazos que se artellarán, formulados a partir dos diferentes obxectivos da xornada nos que, ademais do desenvolvemento de diversos espazos de traballo colaborativo para compartir experiencias e proxectos, terán lugar os seguintes relatorios:
Relatorio marco sobre a participación xuvenil, para contextualizar as xornadas impartida por Antonio Moreno, formador e animador sociocultural, experto en desenvolvemento asociativo e participación social, membro do Colectivo de Educación para a Participación - CRAC (http://redasociativa.org/crac/).
Mesa de experiencias, na que se contará con dous relatorios que exporán proxectos feitos para e por a mocidade, dende a óptica da administración local e dunha entidade sen ánimo de lucro:
A inscrición
Para participar nas xornadas é preciso facer a inscrición a través da web do Centro Municipal de Información Xuvenil.
O prazo de inscrición será desde o 18.01.2018 ao 23.01.2018, ou ata esgotar prazas. O aforo estará limitado a 100 persoas.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible