Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Participación e Innovación Democrática

  • Compartir
  • Añadir a mi móvil | 
  • Imprimir

Cuándo:

1 de mayo de 2019

A Xunta de goberno local dará luz verde ao plan de usos e mecánicas de xestión das Naves do Metrosidero, que establece o carácter libre, público e gratuíto do novo parque

A concelleira Claudia Delso lembra que a iniciativa “dá resposta á demanda da mocidade, que reclama un espazo de ocio e encontro”

A Xunta de goberno local aprobará na sesión do vindeiro venres o plan de usos e mecánicas de xestión do espazo das Naves do Metrosidero, o proxecto impulsado pola Concellería de Participación e Innovación Democrática co obxectivo de dotar á cidade dunha serie de equipamentos dirixidos especificamente á mocidade e que se sitúa nos terreos da antiga Comandancia de Obras. O plan, conformado polo proxecto ampliado de usos e de xestión dos mesmos, ademais do convenio de cooperación entre a Deputación da Coruña e o Concello para as necesidades e solución de deseño do mobiliario das Naves, rexerá a xestión do novo parque do Metrosidero, "un grande espazo de oportunidade recuperado para o uso de toda a cidadanía e que responde a unha demanda da mocidade, que pide espazos de convivencia e encontro", sinala a concelleira Claudia Delso.

As Naves do Metrosidero naceron no marco dun proceso participativo encamiñado a cubrir as carencias de espazos públicos centrados na mocidade, ademais da experimentación de novas fórmulas de relación entre a cidadanía e os recursos públicos. As conclusións deste traballo, presentadas publicamente o pasado mes de febreiro no Salón de Sesións do Pazo de María Pita, deron como resultado a necesidade da creación dun grande espazo para a xuventude, ademais da posta en marcha dunha iniciativa que dinamice o barrio e a contorna da Cidade Vella, e que se configure á vez como un proxecto de cidade. Deste xeito, o goberno local presentou o novo parque do Metrosidero, un amplo espazo público de titularidade municipal que se pode integrar no barrio e na cidade, e que se conformará mediante sucesivas intervencións de rehabilitación e sobre o que se asentan tres naves, ademais dunha serie de espazos exteriores.

O Plan considera as Naves do Metrosidero como un ben de dominio público e, polo tanto, de uso común xeral con carácter libre, público e gratuíto. "O parque será un espazo para estar, pasear e usar por parte da veciñanza", sinala a concelleira. A administración local adoptará un papel de impulso e acompañamento, e farase cargo, inicialmente, da xestión integral do conxunto dos espazos co obxectivo de garantir tamén as posibilidades de uso por parte de toda a cidadanía, nomeadamente, por parte da mocidade e de colectivos ou asociacións nas que se integra.  Tal e como indica o documento, o Concello impulsará a elaboración dunhas regras "que por civismo sexa acaído establecer", e que faciliten e promovan un uso axeitado do espazo, co obxectivo de garantir que o uso do equipamento por algunhas persoas non impida o seu goce polo resto de interesadas e que quen faga uso do espazo o deixe nas mesmas condicións nas que o atopou. "Sen dúbida esta será unha oportunidade para a experimentación e aprendizaxe sobre novos modelos de xestión que dará pé, de novo, a seguir repensando o papel da administración e da cidadanía en relación co espazo público", afirma Delso.

O uso común xeral con carácter libre do Parque do Metrosidero abre así a posibilidade de usos tamén para menores de idade pero, no caso das e dos menores de oito anos, deberanse atopar sempre baixo o coidado e responsabilidade dunha persoa adulta. A este respecto, a concelleira lembra os centros educativos da cidade poderán utilizar o novo equipamento "practicamente como unha extensión dos colexios". "Ao longo do proceso, no que tivemos diversas xuntanzas coas ANPA e direccións dos centros, observamos que este parque xera un gran consenso. Contamos así coa participación activa e colaboración dos colexios á hora de sumarse como usuarios deste novo espazo", apuntou. Por último, ao ser de titularidade municipal, o Concello asumirá as cuestións vinculadas á limpeza e mantemento. Ademais, nunha primeira etapa, a administración local asumirá a responsabilidade da xestión técnica do espazo o obxectivo de impulsar unha asemblea ou colectivo de xestión das Naves do Metrosidero. A entidade, tal e como se acordou durante o proceso participativo, estará integrada polas usuarias e entidades representativas, ademais do propio Concello, para garantir o seu uso público.

Horarios e usos das naves

No Parque do Metrosidero localizanse tres naves.  A primeira delas será multidisciplinar, de xeito que terá usos polivalentes de libre elección e dará pé a celebración de actividades diversas; polo que estará equipada con wifi, mobiliario que favoreza o encontro entre as persoas e con instalacións básicas que permitan os usos polivalentes. A segunda das naves dedicarase a deportes urbanos, como skate, parkour, ou escalada, e contará con equipamento básico axeitado ás características destas disciplinas así como as condicións de seguridade necesarias para a súa práctica. O horario de apertura destas dúas naves será o mesmo. No verán, desde o 22 de xuño até o 30 de setembro, estarán abertas desde as 12.00 até as 01.00 horas de xeito ininterrompido. No caso do horario de inverno, desde o 1 de outubro e até o 21 de xuño, as naves abrirán de luns a venres, en horario de 11.00 a 21.00 horas, mentres que os sábados, domingos e festivos poderanse utilizar de 11.00 a 23.00 horas.

A terceira das naves destinarase á prestación dos servizos municipais á mocidade, concretamente os que se refiren a recursos e información xuvenil. Este espazo albergará, tamén, o lugar de traballo do futuro órgano ou asemblea de xestión colectiva das Naves do Metrosidero. O horario de apertura previsto, no caso das oficinas administrativas do departamento de Mocidade, será de luns a venres, de 08.00 a 15.00 horas, mentres que o punto específico da Rede Municipal de información xuvenil estará aberto nas mañás de martes e xoves, de 11.00 a 15.00 horas, e as tardes de 16.00 a 21.00 horas.

Mobiliario do espazo

Por último, o Plan de usos dá conta do convenio asinado o pasado mes de marzo coa Deputación provincial e que ten como obxectivo facilitar que o alumnado do grao medio en instalación e amoblamento do IES Calvo Sotelo participe no deseño do mobiliario para as Naves do Metrosidero. "A medida dá continuidade ao proceso participativo", xa que, tal e como lembra Claudia Delso, "será a propia mocidade a que defina os seus lugares de convivencia e de lecer".

Para máis información sobre as Naves do Metrosidero e o proceso levado a cabo para o deseño de usos e xestión do espazo, pódese visitar o web www.coruna.gal/participacion.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?