Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Participación e Innovación Democrática

  • Compartir
  • Añadir a mi móvil | 
  • Imprimir

Cuándo:

26 de marzo de 2019

O Concello da Coruña asina un convenio coa Deputación para implicar ao alumnado do IES Calvo Sotelo no deseño do mobiliario das Naves do Metrosidero

A edil Claudia Delso incide “na importancia de que sexa a propia mocidade a que teña a oportunidade de decidir e definir os seus propios espazos de convivencia e lecer”

A concelleira de Participación e Innovación Democrática, Claudia Delso, asinou esta mañá un convenio coa Deputación provincial que ten como obxectivo facilitar que o alumnado do grao medio en instalación e amoblamento do IES Calvo Sotelo participe no deseño do mobiliario para as Naves do Metrosidero, o proxecto do goberno municipal que dará lugar á creación dunha serie de equipamentos de referencia para a mocidade no antigo complexo da Comandancia de Obras.

O documento, que por parte da Deputación asinou o responsable de Promoción Económica, Turismo e Emprego, Jorge García, establece as bases de cooperación entre os dous entes públicos para promover a implicación e participación do alumnado deste ciclo na realización dunha análise sobre as necesidades e solucións de deseño do mobiliario das Naves, actualmente en construción. Segundo a concelleira Claudia Delso, esta proposta "dá continuidade á liña de traballo baseada na participación e empoderamento veciñal que se levou a cabo nos últimos meses", en referencia ao proceso de participación cidadá para deseñar o modelo de xestión e o plan de usos do espazo no que se asentan as Naves. "É moi importante que sexa a propia mocidade a que, como suxeito activo, defina os seus lugares de convivencia e de lecer. Ademais, o propio alumnado do IES Calvo Sotelo poderá contar coa experiencia da posta en práctica dos seus coñecementos a través dun proxecto que se atopa nun contexto real e tanxible na súa contorna", expresou a responsable municipal.

A sinatura deste convenio, que terá validez até o 30 de abril de 2020 --e que se poderá prorrogar anualmente por acordo expreso das partes até un máximo de catro anos--, non suporá ningunha achega económica por parte do ente provincial, que si será responsable de facilitar os medios materiais para o desenvolvemento dos traballos de deseño e construción dos prototipos de elementos do mobiliario. A realización destas propostas --así como o seu almacenamento-- levarase a cabo nas dependencias do propio centro formativo, no que se poderá facer uso das aulas e obradoiros para tal fin.

Tal e como sinala o texto, o convenio está vinculado ao desenvolvemento do Plan de Emprego Local 2016-2019 da Deputación, xa que unha das liñas de actuación do programa é o fomento do emprego na provincia en colaboración con outros entes e, en concreto, o fomento da inserción no mercado laboral da mocidade. Neste sentido, a proposta asinada esta mañá incide na colaboración entre administracións públicas para acadar políticas activas dirixidas á mocidade co obxectivo de incrementar as súas oportunidades de desenvolvemento persoal e profesional.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?