Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Participación e Innovación Democrática

  • Compartir
  • Añadir a mi móvil | 
  • Imprimir

Cuándo:

31 de marzo de 2019

O espazo de dinamización xuvenil da Sagrada Familia acolle este mes de abril obradoiros, xogos de misterio e unha semana de aviación

A concelleira Claudia Delso salienta o punto de encontro MocidadeSF, no que as persoas usuarias deciden a súa propia programación, abrirá ao longo de todo o mes, de martes a domingo

O punto de encontro para a mocidade da Sagrada Familia que promove a Concellería de Participación e Innovación Democrática desenvolverá, durante todo o mes de abril, unha nova programación de actividades centrada en obradoiros, concursos, xogos de misterio e unha semana dedicada especifica ao mundo da aviación. O proxecto piloto de dinamización xuvenil MocidadeSF, que se atopa no 4º andar do Centro Social da Sagrada Familia e abre de martes a domingo, ofrece actividades abertas ao barrio que, tal e como lembra a concelleira Claudia Delso, "son escollidas polas propias usuarias e usuarios do espazo". A programación iniciarase o venres 5 a través de Xogos de detectives, unha iniciativa na que as e os asistentes deberán de resolver os misterios que se propoñan. Ao día seguinte, o sábado 6, haberá unha sesión deportiva, de 18.00 a 19.00 horas, no polideportivo do barrio.  

De cara á segunda semana do mes, celebrarase unha programación especial dedicada ao mundo da aviación, que promoverá a creación de aparatos ao longo de varios días, que se presentarán nunha final o domingo 14 de marzo. Antes, o día 12, celebrarase un obradoiro de música con instrumentos de percusión e o sábado 13 un concurso de saltos. Na fin de semana seguinte, coincidindo co período non lectivo do calendario escolar --durante toda a semana o espazo estará aberto no horario habitual--, o día 19 terá lugar un taller de ciencia, na que se abordarán cuestións vinculadas á electricidade e ao magnetismo, e o sábado 20 celebrarase un obradoiro de modelaxe. A programación mensual de actividades finalizará o venres 26 cun taller de relaxación e o sábado 27 cun concurso de puntería.

O proxecto MocidadeSF, que xurdiu como resposta a unha demanda veciñal, conta con dúas persoas que dinamizan tanto o espazo como as actividades coa mocidade, ademais de deseñar estratexias de mediación coas rapazas e rapaces do barrio. Para máis información sobre o mesmo, pódese visitar www.coruna.gal/participacion.

Documentos:

Información sobre as actividades en abril no Espazo de Dinamización Xuvenil da Sagrada Familia (1 MB)

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?