Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Participación e Innovación Democrática

  • Compartir
  • Añadir a mi móvil | 
  • Imprimir

Cuándo:

3 de abril de 2019

Máis de 700 persoas participaron na votación en torno aos proxectos gañadores do concurso para a definición do futuro do borde litoral, “un proceso de calidade que dá voz á cidadanía”

A información recollida, que nestes momentos está a ser avaliada, servirá “para a toma de decisións futuras sobre o aproveitamento deste espazo, a gran bolsa de oportunidades da cidade”

A concelleira de Participación e Innovación Democrática, Claudia Delso, salientou este mércores "a calidade" do proceso mediante o cal a veciñanza puido debater e votar sobre as solucións que presentan os cinco proxectos gañadores do Concurso de Ideas convocado polo goberno local para a definición do bordo litoral da cidade. En total, foron 738 as persoas que participaron no proceso de votación que estivo activo ao longo do mes. "A falta da análise máis pormenorizada dos resultados, estamos moi satisfeitas coa participación, xa que se trataba dun proceso complexo onde, a xente que participou, opinou sobre os proxectos gañadores estando realmente informada sobre os mesmos", destacou a responsable municipal. "A valoración cidadá dos cinco proxectos gañadores do concurso de ideas do bordo litoral é un paso máis no reto que se marcou o goberno local para cambiar o rumbo dos convenios asinados en 2004 sobre os terreos desafectados do porto e garantir unha fachada atlántica de xestión e uso público", recorda. "Durante décadas, a xente da Coruña non tivo a oportunidade de opinar sobre o que quería que ocorrese nun espazo que é o seu maior patrimonio. Co proceso participativo Tecendo Litoral estamos dando voz a esa veciñanza", dixo.

A este respecto, o concelleiro de Rexeneración Urbana, Xiao Varela, indicou que a opinión da cidadanía, recollida neste proceso de votación, "servirá para a toma de decisións futura sobre o aproveitamento da fachada atlántica, o gran espazo de oportunidade da nosa cidade". O proceso de participación e valoración a realizar pola veciñanza consistiu en elixir o proxecto que aporta, en cada caso, unha mellor solución a cinco cuestións que veñen marcadas polas conclusións do foro Tecendo Litoral. A votación realizada servirá para elixir as propostas que dean as respostas máis axeitadas, segundo o criterio cidadá, á integración entre o porto e a cidade; á mobilidade e á accesibilidade; á creación de emprego; ao medio ambiente e á participación cidadá. "As conclusións desta votación, que agora estamos en proceso de analizar, permitirán ao Concello seguir avanzando na definición dos terreos e seguir fomentando un debate no que siga participando a cidade", explicou o concelleiro Varela.

Na busca de realizar un proceso participativo o máis accesible posible, as persoas que así o quixeron puideron votar a través da páxina web aportaaberta.coruna.es. Para facilitar o procedecemento, o proceso de votación contou con tres puntos de atención presencial situados no pazo de María, no centro Ágora e no Fórum Metropolitano. Ademais, os proxectos gañadores foron expostos no Pazo de María Pita, recibindo a visita de máis de 1.500  persoas.

Eventos

Eventos Ribeira Sacra

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?