Participación e Innovación Democrática

Espazos de encontro

Para informar de xeito presencial e debater sobre as necesidades dos distritos e da cidade haberá unha serie de encontros organizados polo Concello. As propostas fanse só a través da web, pero se prefires a participación directa podes acudir ás xornadas de dinamización na rúa, aos encontros abertos de debate ou aos encontros informativos para entidades do REMAC.

Información e participación na rúa

Durante a primeira fase, haberá tres espazos de información e participación na rúa onde poderás facer propostas co apoio de persoal técnico a través de dispositivos móbiles: 

• Sábado 21 de abril no Obelisco de 17:00 a 21:00
• Sábado 5 de maio na Praza de Lugo de 17:00 a 20:00
• Sábado 12 de maio na praza da Cubela de 17:00 a 21:00 h

Encontros abertos á cidadanía

Cinco encontros abertos á cidadanía onde debater e achegar propostas: 

• Luns 23 de abril ás 18:00 na Biblioteca de Monte Alto
• Martes 24 de abril ás 17:00 no CIM (Centro de Información ás Mulleres) do Barrio das Flores
• Xoves 26 de abril ás 18:00 no Centro Cívico Municipal Castrillón
• Mércores 2 de maio ás 19:00 no Centro Cívico Municipal Os Mallos
• Xoves 3 de maio ás 18:00 no Centro Ágora 

Encontros informativos-formativos con asociacións REMAC

A maiores, celebraranse tres encontros informativos específicos para entidades do Rexistro Municipal de Asociacións Coruñesas (REMAC): 

• Deportivas, culturais e xuvenís: Mércores 18 de abril no EIX(Espazo de Iniciativas Xuvenís) ás 19:00
• Integración e colectivos sociais (inmigración, cooperación, igualdade, LGTBI e inclusión): Xoves 19 de abril na aula de informática do Centro Municipal de Emprego ás 17:30  
• Saúde, coidados e persoas maiores: Mércores 25 de abril ás 18:00 na aula informática do Centro Cívico Municipal de Monelos.

As entidades ou organizacións non incluídas nestas categorías poden inscribirse para asistir a calquera destes tres encontros.