Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

Cuándo:

4 de diciembre de 2018

A Praza de María Pita acolle dende mañá atraccións infantís, actuacións de teatro, maxia e contacontos e unha tenda solidaria, dentro da programación municipal para o Nadal

O alcalde acompañará a parte do reparto da serie ‘Fariña’ no acendido do alumeado que se celebra hoxe ás 20.00 horas. A Casa dos xoguetes recibiu xa máis de 1.500 doazóns destes produtos co obxectivo fomentar a súa reutilización e a economía circular.

O espazo de Nadal na Praza de María comeza mañá as súas actividades lúdicas, dirixidas especialmente cara aos nenos e as nenas e organizadas pola Concellería de Emprego e Economía Sostible. Dende mañá, 5 de decembro, os e as máis pequenas poderán gozar das atraccións, actuacións de maxia, teatro, circo e conta contos e dúas casetas nas que estarán Papa Noel e na que se situará a Casa dos xoguetes, unha iniciativa que fomenta a reutilización dos xoguetes e a economía circular. O alcalde, Xulio Ferreiro, dará hoxe inicio ás actividades do Nadal no acto de acendido da iluminación para estas festas, que correrá a cargo de parte do reparto da serie Fariña. A cita é esta tarde ás 20.00 xunto a bola de luces situada na avenida da Mariña.

Tanto na carpa instalada na praza como no exterior, estarán en funcionamento dende o día 5 e ata o día 2 de xaneiro as atraccións infantís, entre as que se contan un carrusel clásico, un tren sobre vías, unha noria, dous atraccións de saltos, inchables e photocalls. Os horarios de funcionamento ata o día 21 de decembro son de luns a venres pola tarde, de 17.00 a 20.00 horas, e sábados e domingos de 12.00 a 14.00 e de 17.00 a 20.00 horas. A partires do día 21, os horarios amplíanse tamén ás mañás. Así, abrirán de 12.00 a 14.00 horas e de 17.00 a 20.00 horas, coas excepcións dos días 24 e 31 de decembro, cando as atraccións pecharán unha hora antes, ás 19.00 horas.

A caseta de Papa Noel, que pechará o 24 de decembro, tamén terá tres quendas de horarios. Na primeira, ata o día 21, abrirá só en horario de tarde (de 17.00 a 21.00 horas) e nas fins de semana (de 12.00 a 14.00 e de 17.00 a 21.00 horas). Os días 22 e 23, os nenos e as nenas poderán visitar a Papa Noel de 12.00 a 14.00 horas e de 17.00 a 21.00 horas, mentres que o día 24 pechará ás 19.00 horas. A partir do día 26, nesta caseta haberá obradoiros infantís tanto polas mañás como polas tardes. A tenda solidaria a Casa dos Xoguetes, volverá un ano máis á Praza de María Pita, onde estará operativa ata o día 2 de xaneiro. Esta caseta, que serve como punto de intercambio de obxectos, está impulsada pola Oficina Municipal de Información ás Persoas Consumidoras (OMIC) e ten por lema Un agasallo, un sorriso. O proxecto, de carácter solidario e que trata de favorecer a segunda vida dos obxectos e o consumo responsable para o que é posible realizar doazóns desinteresadas de produtos deseñados ou previstos para seren utilizados con fins de xogo por nenas e nenos de até 14 anos. Dende que se abriu o prazo para a doazón, xa foron depositados máis de 1.500 destes produtos nas oficinas do OMIC. Dende o luns, a súa entrega pode realizarse na propia caseta de María Pita.

Programación de teatro, circo e contos

Ademais, o Nadal na praza de María Pita contará con actividades lúdicas relacionadas coa maxia, o circo, o teatro e os contos que se celebrarán no iglú situado no espazo. A programación realízase en horario de tarde, ás 18.00 horas entre os días 5 e 21 de decembro e comeza o día 5 co espectáculo Enigma de Chrystyan Magic. O 6 será a quenda de Momentos máxicos de Mago Rafa, o día 7 Fani Triana levará a escena Fantasía dos sentidos. O 8 de decembro toca teatro con Prepara la Navidad con Gemola, desta compañía, mentres que o domingo 9 haberá un Conto para un inverno baixo as mantas de Caxoto Contacontos. Un Paxe Real en apuros, tamén de Caxoto Contacontos, chegará o 14 de decembro, nos dous días seguintes, o 15 e o 16, a compañía Asacocirco representará os espectáculos BB Circus (Open Air) e Asacocirco Show. O venres 21 continuarán as actuacións relacionadas co circo, desta volta da man de Sue Moreno con 4.0. Dende día 22 de decembro, o iglú acollerá sesións pola mañá (ás 13.00 horas) e polas tardes (ás 18.00 horas). Ese sábado haberá teatro con Linocho e a lúa e O espírito do bosque, ambas de Títeres Falcatrúa. O Domingo Gemola fai sesión doble de Navidad para toda la familia con Gemola e o luns 24 o mago Rafa representa InfantilMagia pola mañá e Historias de un ilusionista pola tarde. O día 25 Martín Camiña pon a maxia con Abraios Sonoros, xunto a Álvaro Muras, e con Intres de maxia durante a tarde. O mércores 26 haberá improvisación de teatro da man de Noemí Miranda e Marta Iglesias en Impro Eureka e pola tarde en Pizpireta e Rigolina. O xoves 26 volve Chrystyan Magic con Alén da maxia na mañá e Kimera na tarde, mentres que o día 28 é a quenda dos contos de Raquel Quiezás con Ven a conto ás 13.00 horas e O eco das pedras ás 18.00 horas. O penúltimo día de actividades no iglú haberá circo, cos espectáculos de Asacocirco e, para rematar, o día 30, Baobab Teatro representará Contos para un caldiño na mañá e Bailando cos contos pola tarde.  

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?