Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Concello da Coruña

  • Compartir
  • Engadir ao meu móbil | 
  • Imprimir

Cando:

2 de decembro de 2019

O teatro Colón presentará “Homomaquia”, unha das curtametraxes galegas que opta a premio Goya na vindeira edición

O director David Fidalgo e a produtora Chelo Loureiro introducirán o 17 de xaneiro a cinta de doce minutos que denuncia o maltrato animal a través de seres humanos despoxados da súa capacidade de falar e razoar

A curtametraxe galega "Homomaquia", que opta a estatuíña na vixésima cuarta edición dos Premios Goya, será proxectada o 17 de xaneiro no teatro Colón coa presenza do director David Fidalgo e a produtora Chelo Loureiro, que introducirán previamente a cinta que presenta un mundo en que os seres humanos son tratrados do mesmo xeito que estes tratan aos animais e, en concreto, aos touros.

A produción representa a vida desta especie coa súa crueza e violencia, con esa falta de liberdade que se dá ata no mesmo apareamento. Trátase dun drama de animación coproducido entre El Gato Verde e Abano Producións. Mariano Barachet encargouse xunto con Loureiro da produción, dirixidos por Ana Fernández. Á fronte da fotografía, situouse o propio Fidalgo que tamén é o guionista e o encargado dunha montaxe á que lle puxo música o coruñés Nani García.

Sen diálogos, "Homomaquia" nace da necesidade do autor de enfrontarse a unha historia que necesitaba contar cunha temática universal e actual, logo de vivir durante anos nunha cidade moderna, pero chea de contradicións que veñen de lonxe. Fidalgo quixo denunciar o maltrato animal pero con seres humanos e sombras, despoxados da súa capacidade de falar e razoar. En doce minutos, as e os espectadores percorrerán a vida dun touro desde o seu nacemento ata que é levado á praza tocando outras cuestións como son o respecto á diversidade sexual. Está dirixida tanto á mocidade como ás persoas adultas.  

Páxina web:

https://vimeo.com/323408606

  • Concello da Coruña
    • Ayuntamiento de A Coruña | Concello da Coruña
    • Praza de María Pita, 1. 15001 A Coruña
    • 981 184 200 ou desde dentro do termo municipal ao teléfono de atención 010
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?