Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

  • Compartir
  • Añadir a mi móvil | 
  • Imprimir

Cuándo:

17 de julio de 2019

Inés Rey anuncia o seu compromiso para impulsar os museos científicos como sinal de identidade da cidade

A alcaldesa Inés Rey anunciou o seu compromiso para recuperar os museos científicos como aceno de identidade da cidade. Destacou a necesidade de recuperar os museos para que volvan ser un foco educativo, un atractivo turístico e un eixo da investigación científica. A alcaldesa reafirmou o seu compromiso coas políticas sustentables da cidade e pretende contar co sector empresarial como aliado neste labor.

 A alcaldesa, Inés Rey, anunciou esta mañá o seu compromiso para relanzar os museos científicos como aceno de identidade da cidade para que volvan ser un referente educativo, de lecer e turístico.

Os museos, recalcou, deben renovarse constantemente para ofrecer novos contidos que sorprendan aos visitantes. "Debemos potenciar de novo o seu protagonismo na cidade",  apuntou a alcaldesa durante o acto de inauguración de exposición "Bocados", que tivo lugar esta  mañá na Domus e na que estivo acompañada polo concelleiro de Educación, Jesús  Celemín, e a concelleira de Turismo, Diana Cabanas. 

 "A recuperación dos museos científicos forma parte do proxecto de cidade que o goberno local ten para A Coruña. Un proxecto que o executivo quere sacar adiante ao longo deste mandato, e no que quere contar como aliados coa Universidade e con institucións públicas e privadas da cidade", apuntou Rey.  Un compromiso, dixo, que se verá reflectido en investimentos para manter e mellorar as instalacións actuais e poñer en marcha un plan de renovación dos contidos e módulos dos museos co obxectivo de que sexan centros de debate, focos de divulgación científica.  

Neste sentido, destacou a importancia de proxectos de produción propia como a exposición "Bocados" que "supón unha importante renovación dos contidos permanentes do museo" e, ao mesmo tempo, pon o foco na necesidade de poñer en marcha medidas que convertan A Coruña nunha cidade máis acolledora e sustentable. 

En canto ao contido da exposición, Rey indicou que segue a liña que ten que instaurarse na cidade en materia de sustentabilidade. "Unha mostra que nos convida a reflexionar sobre a maneira de combinar unha alimentación correcta co coidado do noso planeta".

Para iso, dixo, debemos pensar en global e actuar en local con medidas eficaces e con campañas educativas. Por iso o Concello abre a porta ás empresas innovadoras que queiran achegar a súa visión aos proxectos do goberno local.

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?