Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

  • Compartir
  • Añadir a mi móvil | 
  • Imprimir

Cuándo:

10 de enero de 2019

O concelleiro de Culturas presenta a exposición 'Máis Nunca Máis', que recolle a creación artística e popular xurdida tras a catástrofe do 'Prestige' para “rehabilitar parte da nosa historia máis recente”

A mostra, que se pode visitar dende o 17 de febreiro ata o 3 de marzo na sala de exposicións do Palexco, conta tamén cunha programación complementaria de charlas e mesas redondas, que se inicia mañá cunha conferencia do filósofo e investigador Amador Fernández-Savater

A programación da iniciativa Máis Nunca Máis recolle a creación artística e popular xurdida tras a catástrofe do petroleiro Prestige nunha exposición que acollerá o espazo municipal de exposicións no Palexco dende o día 17 de xaneiro. Esta mostra, que conta coa colaboración do Concello e está impulsada polo colectivo Unha gran burla negra, estará acompañada tamén por unha serie de charlas e mesas redondas que comezan mañá venres coa conferencia do filósofo e investigador Amador Fernández-Savater no Paraninfo da Universidade. O concelleiro de Culturas, Deporte e Coñecemento, José Manuel Sande, que estivo acompañado do coordinador do proxecto, Jorge Linheira, e dun dos comisarios da exposición, Pepe Galán, salientou na presentación da programación o carácter "ambicioso dunha exposición que amosa o sentir dun acontecemento relevante da nosa historia recente e das súas actividades complementarias. "Iniciativas destas características que permiten promover e rehabilitar parte da nosa memoria recente e tamén informar sobre sucesos que foron deliberadamente esquecidos por moitos, ademais de estar acompañadas por toda unha vertente artística e cultural indiscutible que lle dá maior solidez á proposta", manifestou.

O proxecto naceu coma unha acción colectiva para investigar e poñer en valor toda a creatividade popular e artística que se deu nos meses posteriores á catástrofe do Prestige, tal e como explicou Linheira. "Un dos aspectos que nos interesa é estudar a acción creativa nos procesos de mobilización social e cidadá, xunto ás revolucións culturais, que será un dos temas principais na conversa de mañá de Amador Fernández-Savater", avanzou. A charla, titulada Unha mutación antropolóxica: imaxes e prácticas da revolución cultural, terá lugar o venres 11 ás 19.30 horas no Paraninfo da Universidade da Coruña. Antes, proxectarase a curtametraxe documental Unha gran burla negra, unha sorte de "arquivo vivo" que recolle moitos dos materiais que se produciron nos anos posteriores ao afundimento do petroleiro.

A exposición abrirase á cidadanía o día 17 ás 19.30 horas en Palexco, onde permanecerá ata o 3 de marzo. A mostra, que está deseñada polo colectivo Radio Buguina, está centrada "nun maremagnum de imaxes, preto de 1.500" que están montadas en movemento, grazas a 20 proxectores, como explicou Pepe Galán, un dos comisarios da mostra xunto con Pepe Barro e Anxo Varela. Entre elas, haberá lembranzas para os e as voluntarias non só de profesionais, as e os representantes políticos da época "coas frases máis esperpénticas que puidemos escoitar" e tamén para as manifestacións que se realizaron dende a catástrofe. A apertura da mostra terá como acto inicial unha palestra na que intervirán algunhas das persoas protagonistas do movemento Nunca Máis como foron Manuel Rivas, Uxía Senlle, Felipe Lourán e Suso de Toro. Será ás 20 horas o día 17 na propia sala de exposicións do Palexco.

As actividades complementarias á mostra péchanse o día 24 de xaneiro cunha mesa redonda titulada O Nunca Máis como fin do réxime fraguián. Dezaseis anos dun vergoñento consello de ministros, que se celebrará no salón de plenos do Concello ás 19.30 horas. "A data e lugar escollido coincide co aniversario do consello de ministros extraordinario de Aznar e os seus ministros, varios deles a día de hoxe no cárcere, e con Paco Vázquez facendo de anfitrión", explicou Linheira. Na mesa participarán os xornalistas Xosé Hermida, José Precedo e Comba Campoy, que abordarán temas como o papel dos medios de comunicación ou as consecuencias políticas da xestión da catástrofe.  

Documentos:

Programa de actividades (342 KB)

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?