Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

  • Compartir
  • Añadir a mi móvil | 
  • Imprimir

Cuándo:

22 de febrero de 2019

O Concello presenta o informe 2018 do Observatorio Coruñés contra a LGTBIfobia, que rexistrou 123 atencións durante o ano pasado

A concelleira Rocío Fraga pon en valor o traballo do ente, posto en marcha por ALAS A Coruña coa colaboración da área de Igualdade e Diversidade, e salienta o carácter diverso da cidade, “grazas á loita e ao traballo de numerosos colectivos desde os anos 80”

O Pazo de María Pita acolleu esta mañá a presentación do Informe 2018 do Observatorio Coruñés contra a LGTBIFobia, unha iniciativa posta en marcha o pasado exercicio co apoio do goberno local, que dá conta da situación do colectivo LGTBQI na cidade así como das violencias que se producen contra a diversidade afectivo sexual no termo municipal. A concelleira de Igualdade e Diversidade, Rocío Fraga, puxo en valor o carácter "diverso, respectuoso e loitador" da Coruña a través da súa historia, "grazas aos colectivos vinculados ao feminismo e ao antimilitarismo que, nos anos 80 e 90, fixeron un labor pioneiro visibilizando as reivindicacións do colectivo LGTBQI". Ao fío, a edil tamén salientou o traballo de comunicación e difusión do Comité Ciudadano AntiSida de A Coruña, CASCO, "nun momento crucial, como foi nos anos 90, durante a estigmatización do colectivo, pero que se mantén hoxe en día", así como doutros grupos, como Maribolheras Precarias e Milhomes, "que nos achegaron a historia de Marcela e Elisa e fixeron grandes actuacións reivindicativas nos últimos tempos".

Tal e como apuntou a edil, o Concello apoiou a posta en marcha o Observatorio Coruñés da LGTBIFobia a través dun convenio de colaboración con ALAS A Coruña, "unha das principais entidades do tecido social da cidade que actualmente está a traballar no eido do recoñecemento dos dereitos LGTBQI", a quen agradeceu o impulso e a asunción da responsabilidade do desenvolvemento desta ferramenta. A concelleira estivo acompañada na rolda, precisamente, tanto do presidente da asociación, Carlos Emilio Mella Casal, coma da presidenta da Federación Estatal de Lesbianas, Gays, Transexuales y Bisexuales (FELGTB), Uge Sangil.

Mella Casal deu a coñecer os datos recollidos desde o 1 de decembro de 2017 até o 31 de decembro de 2018 pola entidade a través deste Observatorio, "que recolle datos vinculados á agresións e delitos de odio en toda Galicia". Neste tempo, rexistráronse 123 atencións a 61 persoas, das cales o 26% dos casos estiveron directamente vinculadas a agresións LGTBIfóbicas. Ao fío, o presidente de ALAS salientou que, durante o pasado ano, o Observatorio atendeu a persoas de até 9 nacionalidades diferentes. "Das 33 agresións rexistradas, o 16% pertencen a persoas estranxeiras, o que supón unha dobre discriminación sobre este colectivo", apuntou Mella Casal, quen tamén destacou que a meirande parte das agresións son comunidas por homes gais. "En moitos casos chegaron ao Observatorio logo de tramitar a correspondente denuncia, de xeito oficial, na Policía", sinalou.  

Pola súa banda, Uge Sangil manifestou a súa satisfacción polo traballo do Observatorio e lembrou a "valentía" de Marcela e Elisa. "A visibilidade que deron e seguen a dar ao colectivo é unha visibilidade que nos referenda e empodera a todas. Lémbranos tamén que o amor é un dereito e unha liberdade", apuntou. Ao fío, Sangil advertiu do "perigo do avance da ultradereita no Estado". "Estamos en momentos realmente complicados. A homofobia, bifobia e transfobia xa están dentro das institucións, e non podemos perpetuar discursos e actuacións que xa parecían superadas", manifestou a presidenta da FELGTB.

Subvencións en materia de Igualdade e Diversidade

Por outra banda, durante a rolda desta mañá, a concelleira Rocío Fraga lembrou que o goberno local tramitou de forma anticipada  a convocatoria de subvencións para este exercicio, por valor de 150.000 euros, destinada a actividades de interese social en materia de igualdade e Diversidade, co obxectivo de apoiar economicamente ás entidades da cidade na promoción da igualdade de xénero e á inclusión atendendo ás diversidades existentes e a prevención das violencias machistas nun sentido amplo. A previsión da Concellería é resolver nas vindeiras semanas a convocatoria, que contará con dúas liñas, "A primeira delas dedicarase ao fortacelemento e ao empoderamento do movemento asociativo, destinada a apoiar gastos de funcionamento de entidades, mentres que a segunda permitirá o financiamento de actividades en tres ámbitos diferenciados, un dos cales é o apoio a iniciativas facilitadoras da inclusión da diversidade afectivo sexual", explicou Fraga.

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?