Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

Cuándo:

7 de febrero de 2019

O goberno local amosa a súa satisfacción ante a decisión do TSXG de homologar o convenio de mediación sobre o antigo edificio Conde de Fenosa, que evita o derrubo do mesmo

O alcalde evidencia que “a cidade logrou salvar unha situación que prexudicaría seriamente tanto ás arcas municipais como a servizos necesarios para a veciñanza”

O goberno local da Coruña quere amosar a súa satisfacción logo de coñecerse a decisión do Tribunal Superior de Xustiza de Galicia (TSXG) que homologa o acordo acadado a través do procedemento de mediación polo que a sentenza do antigo edificio Conde de Fenosa se executará mediante alternativas ao derrubo, algo que, de producirse, suporía un grave prexuízo tanto para as arcas municipais como para o conxunto da cidadanía da Coruña. O alcalde, Xulio Ferreiro, manifestou unha vez coñecida a decisión de homologar o acordo por parte da Sala do Contencioso do Superior que "por fin se dá resposta satisfactoria a un conflito que podía poñer en xaque á administración local e que a cidade arrastra dende hai máis de dúas décadas". "Con vontade e moitísimo traballo fomos quen de resolver un problema que non causou este goberno local, senón un executivo anterior que xa non está", evidenciou.

O litixio comezou hai máis de 21 anos e deriva da concesión, por parte do Concello da Coruña, dunha licenza de rehabilitación do citado edificio que foi anulada polo TSXG nunha sentenza de 2001, que acordaba a demolición do mesmo. Só os custos da execución desta sentenza están estimados en aproximadamente 60 millóns de euros. "Executar a sentenza de derrubo levaría ao Concello a unha insostible situación económico financeira cun moi elevado custo social xa que, con toda probabilidade, se verían afectados servizos públicos. Iso non é algo que diga o goberno local, é algo que se ratificou no procedemento de mediación intraxudicial iniciado en outubro do ano pasado e mediante o que todas as partes implicadas fomos quen de acadar unha resolución consensual", explicou Ferreiro.

Entre os acordos homologados polo TSXG cóntase o recoñecemento público da responsabilidade da Corporación municipal respecto da anulación da licenza urbanística, adopción dun Protocolo de Boas Prácticas urbanísticas dirixido a evitar que volva repetirse un caso similar, a construción por parte do Concello dun edificio de arredor de 50 vivendas de Protección Oficial no Parque Ofimático da Coruña a proposta da parte recorrente e en concepto da renuncia desta a esixir a íntegra compensación que considera que lle correspondería, e o recoñemento dunha indemnización polos danos persoais de índole moral causados á recorrente durante máis de 21 anos. Do mesmo xeito, impulsaranse as accións precisas para incluír o inmoble como edificio singular no PXOM vixente.

Tanto o alcalde como o concelleiro de Rexeneración, Xiao Varela, destacaron o traballo levado a cabo polo equipo de mediación, así como pola Asesoría Xurídica municipal.

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?