Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

  • Compartir
  • Añadir a mi móvil | 
  • Imprimir

Cuándo:

12 de enero de 2019

O goberno local dá conta das próximas actuacións para ampliar a zona infantil da praza Elíptica ou mellorar a seguridade na contorna do CEIP Emilia Pardo Bazán, nun novo 'Dillo Ti' celebrado nos Rosales

O alcalde e o resto do equipo de goberno conversaron coa veciñanza, que verá este ano a execución do Parque das Cinco Illas, despois das obras realizadas nos últimos meses para o reasfaltado de gran parte das rúas e a mellora da iluminación do barrio, ou a recente apertura dun aparcadoiro nos Campos de Visma e unha zona de xogos nesta zona

O alcalde, Xulio Ferreiro, e o resto do equipo de goberno participaron este sábado nunha nova edición do programa 'Dillo ti', que volveu ao centro cívico dos Rosales dous anos despois da súa primeira visita a este barrio. Desde entón, e como debullou o rexedor, o Concello efectuou na zona actuacións relevantes, como o reasfaltado de máis do 80% das rúas, unha obra de 776.424,63 euros que se completou na segunda metade do pasado ano e que veu acompañada de actuacións en toda a iluminación para a mellora da eficiencia e do aforro enerxético, no que se investiron 1,1 millón de euros. Ao respecto, o alcalde avanzou que o Concello continuará cos traballos de asfaltado das rúas que restan do barrio e aludiu en particular á contorna do CEIP Emilia Pardo Bazán, para a que existe xa un proxecto de camiños escolares seguros que supón, non só o asfaltado, senón o reacondicionamento das rúas, a través de accións como a elevación do paso peonil existente na entrada do centro para rebaixar a velocidade dos vehículos que acceden, na liña doutras intervencións en máis centros escolares da cidade, como o Fernando Wirtz, o Fernández Latorre ou os colexios da Sagrada Familia ou Zalaeta. "Medidas para que os entornos escolares se convertan en espazos cada vez máis seguros", indicou o concelleiro de Mobilidade Sostible, Daniel Díaz Grandío.

Ante os veciñas e veciños participantes, Ferreiro avanzou tamén algúns proxectos que contribuirán a mellorar o barrio, como é o Bosque das Cinco Illas, un espazo verde para a que a Concellería de Medio Ambiente xa ten listo un proxecto e cuxas obras se acometerán durante este 2019, despois de incluír na proposta algunhas das propostas que a cidadanía achegou tras a presentación do anteproxecto. No mesmo sentido, Ferreiro sinalou a próxima ampliación e mellora do parque infantil da praza Elíptica, unha proposta derivada dos Orzamentos Participativos, da que a Concellería de Rexeneración Urbana xa conta cun proxecto. Do mesmo xeito, o rexedor salientou que Os Rosales é un dos tres barrios dos que se beneficiará o programa Coruña Suma, unha iniciativa da Concellería de Emprego e Economía Social dotada con 4,4 millóns de fondos europeos e dirixida a mellorar a capacitación laboral, en especial de persoas paradas de longa duración ou de máis de 45 anos, a través de equipos de formación específicos, un dos cales dará servizo aos Rosales, Agra e Labañou.

Durante o encontro, que supón unha conversa directa entre o goberno local e a veciñanza para formular preguntas, peticións e comentar calquera cuestión referente ao barrio ou á cidade, o alcalde tamén deu conta doutras intervencións acometidas nos Rosales e a súa contorna, como o itinerario accesible no lateral do centro comercial, xunto á gasolineira, que supuxo a ampliación da beirarrúa e na que se investiron preto de 19.000 euros, as melloras acometidas no parque de Visma ou o novo parque infantil da zona superior desta zona verde, ademais de algunha actuación en equipamentos como pavillón deportivo, ou as obras desenvolvidas no colexio Emilia Pardo Bazán, onde se reformou a cuberta e se dotou o centro dun aseo adaptado, ou na escola infantil municipal. Do mesmo xeito, o primeiro edil recordou outra actuación moi demandada no barrio, como foi o desmantelamento dunha antena de telefonía que suscitou moita contestación social e para a que se logrou, primeiro desconectala e finalmente retirala, despois dunha negociación intensa dos servizos municipais coa empresa propietaria.

Como tamén expuxo o rexedor, os Campos de fútbol de Visma contan xa coa instalación eléctrica completada, "dado que non a tiñan cando se recibiron", e nestes últimos días rematouse o aparcadoiro da zona superior do recinto, mentres que o Concello ten aberto o proceso de expropiación para poder executar un segundo aparcadoiro ao carón das Calasancias. Na zona de Visma tamén se completou a construción dunha área de xogos, que foi precisamente unha petición da veciñanza nun encontro 'Dillo ti'. A preguntas da representante veciñal do barrio para a ampliación de actividades para a mocidade de entre 12 e 18 anos, a concelleira de Xustiza Social e Coidados adiantou a posibilidade de mellorar a oferta municipal a través de programas como Nocturnia, e recordou que o Concello ampliou tanto as prazas dos campamentos municipais como do Recuncho de Xogos, así as prazas para nenas e nenos con diversidade, que era unha petición da veciñanza, ademais de lembrar o traballo comunitario que se fai coa mocidade da zona a través do programa de prevención de condutas de risco Educación na Rúa.

Durante o encontro tamén se pediu información sobre a necesidade de actuacións de mellora no Camiño do Cura, unha vía que, como indicou o concelleiro de Rexeneración urbana e Dereito a Vivenda, Xiao Varela, é titularidade do Arcebispado de Santiago, entidade coa que o Concello leva anos de xestións para obter a cesión que permitirá poder acometer as actuacións precisas. A ese respecto, Varela indicou que o Concello xa enviou, produto desa negociación, unha proposta de convenio de cesión ao Arcebispado. "Tan pronto como asinen, estamos en disposición de poder actuar neste espazo, que sabemos que é clave para o barrio", afirmou.

O próximo encontro Dillo ti celebrarase o 2 de febreiro no barrio de Monelos.

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?