Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

  • Compartir
  • Añadir a mi móvil | 
  • Imprimir

Cuándo:

11 de enero de 2019

Poetas Di(n)versos retoma o luns a súa programación no centro Ágora cun ciclo de inverno dedicado á lusofonía, con Valter Hugo Mae, Vera Duarte e Andrew McMillan

Os recitais, que se celebran o 14 de xaneiro, o 25 de febreiro e o 18 de marzo, contarán tamén con voces galegas como son as de Miguel-Anxo Murado, Gonzalo Hermo e Lucía Novas

O ciclo Poetas Di(n)versos iniciase o vindeiro luns no centro Ágora cun recital que anticipa a lusofonía como fío condutor da súa programación para o ciclo de inverno. O concelleiro de Culturas, Deporte e Coñecemento, José Manuel Sande, presentou o menú "sinalado polo idioma e polas grandes voces da lusofonía" para os vindeiros meses dunha iniciativa "afortunadamente estable e consiste, sempre con sinais de calidade e unha excelente escolma de poetas", dirixida pola poeta e xestora cultural Yolanda Castaño, e que forma xa parte dunha cidade "cunha rede excelente de bibliotecas, unha cidade coa feira do libro máis importante de Galicia, cidade na que na celebración das Letras Galegas a colaboración coas librerías é importante, na que vimos de introducir a figura de Luz Pozo no belén municipal". Neste sentido, Castaño engadiu que a cidade "é a única que ten unha escola de escrita creativa en Galicia, na que actúan tantos grupos e colectivos poéticos, faladoiros, obradoiros, clubs de lectura na magnífica rede de bibliotecas municipais e a que ten o único ciclo estable de recitais poéticas que acollen a poetas internacionais de xeito regular e constante en toda España". Precisamente, a programación do primeiro trimestre recibe a poetas como Valter Hugo Mae, Vera Duarte e Andrew McMillan, que estarán acompañados por "interesantísimas voces en galego" como son Miguel-Anxo Murado, Gonzalo Hermo e Lucía Novas.

O primeiro recital terá lugar o vindeiro luns día 14, ás 20.30 horas no Centro Ágora, o público poderá escoitar a "unha das voces imprescindibles portuguesas, nacido en Angola, como é Valter Hugo Mae, un enfant terrible das letras portuguesas, polígrafo, cosmopolita, que ademais de escritor é editor, cantante e presentador de televisión". Xunto a el estará Miguel-Anxo Murado, a quen Castaño cualificou coma "un rara avis da literatura galega, hoxe residente en Madrid, e que foi tamén xornalista especializado en conflitos bélicos, así cubriu a guerra dos Balcáns e traballo para a ONU en Oriente Medio durante anos, ensaísta inesquecible co seu Outra idea de Galicia, pero tamén poeta, con dous magníficos libros".

A segunda das xornadas, que se celebra o 25 de febreiro, "conxugarase en feminino" coa presenta de Vera Duarte e Lucía Novas. A primeira é "un dos máximos expoñentes da literatura caboverdiana actual, como é Duarte, que foi ministra de Cultura do seu país, ademais de xurista e unha gran defensora dos dereitos humanos". Ao seu lado estará a escritora de Bueu Lucía Novas, "que acadou o consenso crítico coa súa terceira obra poética, publicada o pasado ano co título de Cervatos". En marzo, o luns 18, o ciclo contará con Andrew McMillan, "a auténtica revelación británica, que concede máis capas e matices á construción da masculinidade", e con Gonzalo Hermo, primeiro galego que acadou o Premio Nacional de Poesía Joven e que o fixo cunha obra en galego, para "establecer un certeiro diálogo sobre as diversidades de sexo e xénero".  

Os recitais do ciclo Poetas Di(n)versos, que conta coa colaboración do Concello da Coruña para facilitar á cidadanía o acceso a este estilo literarios, son gratuítos e celébranse ás 20.30 horas no Ágora. Como é habitual, cada cita coa poesía contará con librerías da cidade para ofrecer a oportunidade de adquirir exemplares das autoras e dos autores participantes no recital.

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?