Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

Cuándo:

8 de febrero de 2019

Xiao Varela solicita, na súa intervención nun foro en Valencia, "que o goberno do Estado dispense o mesmo trato á cidade da Coruña na condonación da débeda do Porto"

O responsable municipal de Rexeneración Urbana participou esta mañá nas xornadas ‘Novos Vellos Portos’, promovidas polo Consorci València 2007, nas que avogou por un cambio de modelo normativo “para que os peiraos manteñan a súa titularidade pública”

O concelleiro de Rexeneración Urbana e Dereito á Vivenda, Xiao Varela, participou este venres en Valencia no foro Novos Vellos Portos, iniciativa na que A Coruña é unha das cidades convidadas e que pretende abordar as posibilidades produtivas e o valor patrimonial dos terreos portuarios. Durante a súa intervención, o edil reivindicou que "A Coruña reciba o mesmo trato que Valencia" por parte do Goberno do Estado, en relación á condonación da débeda ao Consorci València 2007, entidade organizadora do foro, e que se contempla no proxecto de Orzamentos Xerais do Estado para este 2019. "O Atlántico merece ser tratado igual que o Mediterráneo. O goberno do Estado debe poñer en marcha os mecanismos oportunos e necesarios que faciliten a condonación da débeda da Autoridade Portuaria da Coruña ou medidas equivalentes para que esta deixe de ser un lastre para a cidade e non derive, polo tanto, na venda da fachada marítima como fórmula para tratar de compensar esa inxente débeda", sinalou o concelleiro.

O responsable municipal deu a coñecer a situación actual dos peiraos interiores da Coruña, ademais do traballo iniciado este mandato polo goberno local co obxectivo de recuperar a titularidade pública dos terreos portuarios, como a modificación do PXOM no ámbito da Solana, ou a posta en marcha dun concurso de ideas sobre o bordo litoral, para fomentar o debate e o deseño participado, da man de toda a veciñanza, dos usos da fachada marítima da cidade. "Nestes últimos catro anos desde o Concello da Coruña impulsamos un cambio diferencial de rumbo do que outros pensaran para a cidade, hipotecando o seu futuro. Na Coruña mudou a vontade popular e política. Púxose en cuestión os convenios de 2004 e reclamouse un espazo de oportunidade, como é o uso cidadán dos peiraos de San Diego, Calvo Sotelo e Batería", aseverou Varela.

Titularidade e xestión pública

Durante a súa participación no parladoiro Ligando litorales y frentes marítimos. Un diálogo entre Barcelona y A Coruña, na que compartiu espazo coa responsable de Ecoloxía, Urbanismo e Mobilidade do Concello de Barcelona, Janet Sanz Cid, Varela solicitou tamén unha modificación lexislativa "que permita que os terreos que deixen de ter uso portuario non poidan ser desafectados e, polo tanto, enaxenados". "Pedimos ao goberno do Estado o que estamos a reclamar desde hai case catro anos na Coruña, que os peiraos manteñan tanto a titularidade como a xestión pública", expuxo o responsable municipal.

Varela tamén interveu na mesa redonda do peche institucional do foro Novos vellos portos, na que compartiu conclusións e reflexións coa tenente alcalde de Barcelona, Janet Sanz, o alcalde de Alacante, Luis Barcala, o conselleiro de Facenda da Generalitat Valenciana, Vicent Soler i Marco, e o director xeral de Marina València, Vicent Llorens.  

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?