Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Concello da Coruña

Xeografía, memoria e capital cívico

Destinatarios:

O taller está dirixido a estudantado ou profesionais do ámbito da arte, socioloxía, antropoloxía, historia, arquitectura, urbanismo, cinema etc., e en xeral a todas aquelas persoas interesadas no entendemento da cidade como espazo de reflexión crítica.

Os/as participantes poden traer o seu equipo técnico persoal, como ordenadores portátiles ou cámaras.

MATERIAIS: a organización proporcionará o espazo de traballo e os materiais que requiran o director do taller e os directores do proxecto.

PROCESO DE SELECCIÓN:

  • Aberto aos perfís anteriormente citados, principalmente do ámbito coruñés, galego e do estado español.

  • Os/as participantes serán seleccionados/as polo director do taller e os directores do proxecto. O taller estará composto por 15 participantes.

  • O prazo para a recepción de solicitudes cérrase o 6 de outubro.

  • A organización contactará coas persoas seleccionadas o 9 de outubro.

SOLICITUDE:

Presentar solicitude en liña en capitalcivico@gmail.com.

Documentos para incluír:

  • < >

    Datos persoais e de contacto

  • CV actualizado

  • Breve texto (máximo 500 palabras) explicando que interese move a persoa candidata para participar no taller e as súas consideracións sobre el.

  • Opcional: imaxes / documentos / textos de referencia, de traballos ou investigacións recentes.

  • Descartaranse todas aquelas solicitudes que non inclúan a documentación anterior.

Cando:

Dende o 23/10/2017 ata o 27/10/2017

Horario:

10.00 a 14.00 h (tardes para traballo de campo)

Enderezo:

Fundación Luís Seoane. Rúa San Francisco 27. 15001 A Coruña

Contacto:

Documentos:

Impreso solicitude talleres

Taller de Rogelio López Cuenca

As cidades en que vivimos constitúen complexas estruturas que transcenden as nosas operacións cotiás. Moi ao contrario, o espazo urbano impónsenos como unha poderosa superestrutura económica, política e social.

Por iso, non é casualidade que as experiencias de arte crítica tivesen con frecuencia como obxectivo un crucial escenario en permanente litixio na cambiante cara das cidades: a rúa, ou o espazo público - entendido este non só na súa dimensión física, senón tamén simbólica e lingüística, e en definitiva, política.

Pero, de que modo poden as prácticas artísticas evitar ser engulidas polo continuo fluír das imaxes da cidade-espectáculo e non acabar funcionando como un elemento máis da neutralización que persegue o turismo global? Como ensaiar estratexias que poidan achegar certos quebros para, se cadra, transformar estes espazos de pulsión que denominamos cidades?

A Coruña é un istmo rodeado de mar. A historia da cidade está inextricablemente unida ao seu enclave xeográfico, e a medida que se produce a expansión mercantil e demográfica do pasado século, a procesos e negociacións de toda índole para impoñerse e gañar terreo ao mar. O actual contorno da Coruña é unha sucesión intermitente de restos arqueolóxicos e episodios de certo relato truncado da modernidade, sobre os que a cidade se consolida e proxecta o seu crecemento.

TALLER

Se toda cidade é unha exposición pública de efemérides e monumentos, do botín acumulado polos sucesivos vencedores ao longo da historia, non o é menos un depósito de casos non resoltos, un arquivo das páxinas descartadas da memoria oficial. Ao longo de toda a súa traxectoria, o artista Rogelio López Cuenca traballou na elaboración de 'contramapas' e sinalizacións intrusas en cidades como Roma, Madrid, Valparaíso, Lima, São Paulo, México ou Valencia, que funcionan como manuais de desvíos e encrucilladas, proxectos centrados na análise das omisións e ausencias que subxacen no espazo regrado da cidade.

'Xeografía, memoria e capital cívico' é un proxecto dirixido por López Cuenca que pretende delimitar unha xeografía 'outra' da cidade da Coruña, mediante o trazado de itinerarios que observen diversas problemáticas que normalmente son contempladas dun modo illado, e que pretenden certificar a realidade de certo mapa do cotián en relación a aqueles procesos globais dos que son tanto consecuencia como protagonistas.

Un itinerario alternativo que propón desenredar a madeixa da historia local a partir do amplo contexto que ofrece o litoral da cidade, e en especial a franxa marítima que comprende desde o antigo porto pesqueiro situado na Mariña ata os estaleiros de Oza, cerrado á cidadanía nos últimos tempos, e cuxas transformacións no ámbito da economía produtiva, o urbanismo e a memoria esixen unha reflexión de calado sobre o seu presente e as súas posibilidades futuras.

Botas algo en falta?

Se queres engadir algo á axenda da túa cidade ou corrixir algunha información errónea só tes que dicírnolo .

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?

Necesitamos a túa axuda

Tes dous minutos para darnos a túa opinión sobre a web municipal e así axudarnos a mellorala? Agradecémoscho

Ir á enquisa

Tes dous minutos para darnos a túa opinión sobre a web municipal e así axudarnos a mellorala? Agradecémoscho

Ir á enquisa