Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Concello da Coruña

Subvencións e axudas

Resultados: 237

  • Convocatoria subvencións para proxectos de promoción económica

    Obxecto:

    É obxecto desta convocatoria conceder subvencións, en réxime de concorrencia competitiva, para apoiar entidades públicas ou privadas sen ánimo de lucro, e de carácter empresarial, que desenvolvan proxectos de promoción económica no ano 2017, que promova a innovación na economía local a través do coñecemento como factor de competitividade e ao desenvolvemento dun modelo económico respectuoso co medio ambiente, que afiance o enfoque da economía circular, así como a súa contribución a unha cidade sustentable e con calidade de vida.

    Para o mellor desenvolvemento do seu labor, establécense tres tipos de liñas subvencionables dentro da presente convocatoria:

    Liña 1. Innovación

    O obxecto desta liña é a de fomentar a incorporación ou desenvolvemento de elementos innovadores que favoreza o crecemento, a adecuación a novos mercados e/ou a mellora da posición competitiva das empresas, con sede no municipio.

    Liña 2. Internacionalización

    O obxecto desta liña é a de apoiar a realización de actividades e o desenvolvemento de iniciativas que incentiven a promoción exterior das micro e pequenas empresas a través de accións ou proxectos como poden ser:

    • Asesoramento técnico especializado de apoio á expansión internacional

    • Accións de difusión de oportunidades de negocio

    • Sesións de contacto con mercados internacionais

    • Ferramentas de xestión, formación e información que faciliten o proceso de expansión tanto para incorporarse a novos mercados como para consolidarse.

    Liña 3. Fomento, estímulo e mellora da competitividade das entidades de economía social

    O obxecto desta liña é a de pór en valor este sector económico apoiando a aquelas entidades que desenvolven accións, actividades ou proxectos que estimulen a economía social como modelo de desenvolvemento económico e social equilibrado e sustentable a través de accións ou proxectos como poden ser:

    • Accións de difusión e promoción das formas empresariais e sociais da economía social.

    • Accións de impulso do I+D+I nas empresas de economía social.

    • Accións de asistencia técnica para a constitución das entidades de economía social.

      Poderá solicitarse subvención para unha ou varias liñas subvencionables nunha única solicitude, sempre que a entidade interesada indique cada actividade de forma independente e por orde de preferencia.

    No caso de presentar solicitude para máis dunha liña, programa ou actividade, a entidade solicitante deberá presentar memoria e orzamento de ingresos e gastos para cada unha delas

    Remuneración/Dotación:

    50.000 euros

  • CONVENIO COA ENTIDADE ASOCIACION JUAN DE LANGARA CULTURAL E INSTRUCTIVA DE AMIGOS DE LOS VELEROS PARA A ACTIVIDADE "CONTRIBUÍR A FINANCIAR OS GASTOS XERAIS DE CONSERVACIÓN E MANTEMENTO DO BARCO DA ASOCIACIÓN

    Obxecto:

    É obxecto do presente convenio regular a colaboración entre o Concello da Coruña e Asociación Juan de Lángara Cultural e Instructiva de Amigos de los Veleros coa finalidade de "Contribuír a financiar os gastos xerais de conservación e mantemento do barco da asociación", para desenvolver en 2017

    Remuneración/Dotación:

    24.000,00 euros, con cargo á aplicación orzamentaria 50.341.48950

  • CONVENIO DE COLABORACIÓN ENTRE O CONCELLO DA CORUÑA E A ENTIDADE FUNDACIÓN FOGAR SANTA MARGARITA

    Obxecto:

    O obxecto do presente convenio é establecer as bases de colaboración entre o Concello da Coruña e a FUNDACION FOGAR DE SANTA MARGARITA, coa finalidade de contribuír a realizar a seguinte actividade: "Gastos de desenvolvemento dun programa de atención e intervención lúdica-educativa para menores en risco de exclusión social", que se desenvolverá durante o exercicio 2017

    Remuneración/Dotación:

    20.000,00 euros, con cargo á aplicación orzamentaria 51 231 48050

  • CONVENIO DE COLABORACIÓN ENTRE O CONCELLO DA CORUÑA E A ASOCIACIÓN ANTONIO NOCHE

    Obxecto:

    O obxecto do presente convenio é establecer as bases de colaboración entre o Concello da Coruña e a Asociación Antidroga Antonio Noche, coa finalidade de contribuír á realización das seguintes actividades: "Contribuír ao financiamiento dos gastos derivados do programa desenvolvido pola Asociación denominado "Erradicación do chabolismo" , que se desenvolverá durante o exercicio 2017

    Remuneración/Dotación:

    30.000,00 euros, con cargo á aplicación orzamentaria 51 231 48050

  • CONVENIO ENTRE O CONCELLO DA CORUÑA E A FUNDACIÓN SECRETARIADO XITANO PARA UN PROGRAMA DIRIXIDO Á POBOACIÓN XITANA

    Obxecto:

    O presente Convenio ten como obxecto fixar os termos da colaboración entre os asinantes para desenvolver as accións que se dirixirán á Poboación Xitana no marco do Programa Operativo de Inclusión Social e Economía Social 2014-2020, que o Ministerio de Emprego e Seguridade Social encargou como organismo beneficiario á FSG a través da Resolución 106, do 28 de decembro de 2015, publicada no Boletín Oficial do Estado (BOE) de 5 de xaneiro de 2016, para executar o proxecto de Itinerarios integrados de Inclusión Socio-Laboral para a poboación xitana, enmarcada na Prioridade de Investimento 9.2 Integración socioeconómica de comunidades marxinadas tales como a poboación romaní.

    Remuneración/Dotación:

    45.000,00 € con cargo á partida 51.231.480.50 do orzamento municipal en vigor

  • Convocatoria específica de Iniciativas municipais de apoio ao sector do taxi

    Inscricións:

    Dende o 21/07/2017 ata o 21/08/2017

    Obxecto:

    As subvencións reguladas por esta convocatoria teñen como finalidade que as persoas titulares de licenzas de taxi poidan adquirir vehículos con combustibles alternativos, taxis adaptados e instalación de equipos de comunicación implementados sobre novas tecnoloxías.

    Os obxectivos que se pretenden alcanzar con estas subvencións son:

    • Estender a instalación de medios de seguridade que faciliten a súa localización en caso de emerxencia
    • Incrementar a seguridade do sector
    • Incentivar e apoiar a expansión de vehículos no servizo de Auto-taxi que operen con combustibles alternativos, o que mellorará a calidade e eficiencia do servizo prestado
    • Favorecer e fomentar a utilización do Eurotaxi, o que propiciará un incremento cualitativo e cuantitativo de usuarios que utilicen o servizo
    • Alcanzar un maior grao de eficacia nas políticas municipais relacionadas coa promoción do servizo de transporte público de persoas viaxeiras

    Poderán ser obxecto de subvención nesta convocatoria:

    a) A implantación, adquisición, adaptación ou cambio, de vehículos de combustible alternativo dentro do sector do servizo de auto-taxi, vehículos híbridos, híbridos enchufables, glp, gas natural, eléctricos e demais vehículos de combustibles alternativos que presten os seus servizos dentro do noso termo municipal, adquiridos entre o 1 de xaneiro de 2016 e o día que finalice o prazo de presentación de solicitudes para a obtención desta subvención.

    b) A adquisición de vehículos destinados a Eurotaxi, que ofrecen servizo de transporte adaptado a discapacitados físicos e/ou con mobilidade reducida, adquiridos entre o 1 de xaneiro de 2016 e o día que finalice o prazo de presentación de solicitudes para a obtención desta subvención.

    c) A instalación de medios de seguridade (biombos e/ou GPS) en vehículos adscritos a licenzas de transporte de viaxeiros en automóbiles lixeiros, clase "A", outorgadas por este concello. Estes medios deberán estar debidamente homologados e, no caso dos dispositivos GPS como mínimo, terán que permitir a emisión dun sinal a vontade da persoa condutora en caso de incidente, que poida ser recibida nun centro receptor durante as 24 horas do día, para que este solicite o auxilio necesario e así incrementar a seguridade durante a realización do servizo. Tamén se esixirá que fosen adquiridos entre o 1 de xaneiro de 2016 e o día que finalice o prazo de presentación de solicitudes para a obtención desta subvención.

    Remuneración/Dotación:

    60.000 euros con cargo á aplicación orzamentaria 41.4412.779.02

    As axudas son a fondo perdido e a súa finalidade é subvencionar os obxectos descritos na base 5ª ata o importe máximo indicado a continuación:

    a) Para o suposto de subvención municipal para automóbiles destinados ao servizo de auto-taxi que teñan vehículos híbridos, híbridos enchufables, glp, gas natural, eléctricos e demais vehículos de combustibles alternativos que presten os seus servizos

    - Vehículo eléctrico, vehículo híbrido enchufable e vehículo híbrido............. 2.950,00 €

    - Vehículo a glp, gas natural e demais combustible alternativo....................... 2.000,00 €

    b) Na subvención municipal para automóbiles destinados a Eurotaxi, para persoas con mobilidade reducida ........................................................................................... 2.950,00 €

    c) Na subvención municipal para a instalación de medios de seguridade (Biombos e/ou GPS) ................................................................................................................................. 150,00 €

  • Convenio de colaboración entre o Concello da Coruña e Reunión Recreativa e Instrutiva de Artesáns

    Obxecto:

    O obxecto do presente convenio é establecer as bases de colaboración entre o Concello da Coruña e a REUNIÓN RECREATIVA E INSTRUTIVA DE ARTESÁNS, coa finalidade de contribuír á realización das seguintes actividades: "Contribuír á viabilidade do centro social da entidade, gastos de funcionamento e de actividades para realizar nel", que se desenvolverá durante o exercicio 2017.

    Remuneración/Dotación:

    90.550,00 euros, con cargo á aplicación orzamentaria 51 231 48050

  • Convenio de colaboración entre o Concello da Coruña e a entidade Club Atletismo Coruña Comarca para a actividade fomento do atletismo

    Obxecto:

    É obxecto do presente convenio regular a colaboración entre o Concello da Coruña e Club Atletismo Coruña Comarca coa finalidade de contribuír a: Fomento do atletismo, para desenvolver nas seguintes datas: 2017.

    Remuneración/Dotación:

    6.000,00 €, con cargo á aplicación orzamentaria 50.341.48950

  • Convenio de colaboración entre o Concello da Coruña e a entidade Sociedade Deportiva As Xubias para a actividade "Fomento do piragüismo"

    Obxecto:

    É obxecto do presente convenio regular a colaboración entre o Concello da Coruña e Sociedade Deportiva As Xubias coa finalidade de contribuír a: "Fomento do piragüismo", para desenvolver nas seguintes datas: 2017.

    Remuneración/Dotación:

    6.000,00 €, con cargo á aplicación orzamentaria 50.341.48950

  • CONVENIO DE COLABORACIÓN ENTRE O CONCELLO DA CORUÑA E CARITAS DIOCESANA DE SANTIAGO

    Obxecto:

    O obxecto do presente convenio é establecer as bases de colaboración entre o Concello da Coruña e a CARITAS DIOCESANA DE SANTIAGO, coa finalidade de contribuír á realización das seguintes actividades: Contribuír ao financiamento do programa de axudas sociais desenvolvido pola entidade dirixido a persoas en situación de necesidade do municipo da Coruña, que se desenvolverá durante o exercicio 2017.

    Remuneración/Dotación:

    100.000,00 euros con cargo á aplicación orzamentaria 51 231 48050

Resultados: 237

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?