12 PERSOAS DENUNCIADAS POR NON RESPECTAR OS PRECINTOS DE ACCESOS ÁS PRAIAS EN ALERTA LARANXA

- O Concello pechou desde as 12.00 horas do 17 até as 08.00 horas do 18 de abril os accesos ás praias, ante a previsión de fenómenos costeiros pola chegada dun temporal que obrigou a activar a alerta laranxa no mar. Dende a Área de Seguridade Cidadá tomáronse as medidas preventivas e de vixilancia, de acordo aos protocolos existentes, polo que se acotou con cinta policial de acceso prohibido aos areais a partir das 11.00 horas do 17 de abril e reabriuse a partir das 09.00 horas do 18 de abril. Así mesmo, distintas dotacións supervisaron os acoutamentos referidos para evitar situacións de risco e denunciaron a un total de 12 persoas: catro pola mañá, sete pola tarde, e na noite do 17 ao 18 de abril a unha persoa. O non respectar as restricións nas zonas acoutadas de acceso ás praias, o que lles pode supoñer unha sanción de 100 até 600 euros e a un deles unha sanción de 601 ata 30.000 euros. Estas persoas infrinxiron así a Lei Orgánica 4/2015, de protección da Seguridade Cidadá, ao non por desobedecer as órdenes dos axentes ao volver á zona acoutada pouco tempo despois de ser desaloxado sen denuncia. Ás 18.00 horas do 17 de abril, coincidindo coa pleamar, a auga chegou en varias ocasións até o Paseo Marítimo á altura do hotel Riazor, polo que foi necesario desviar o tránsito peonil até as 19.30 horas no tramo comprendido entre a rúa Modesta Goicouría e a glorieta das Catalinas.

CONTROIS PREVENTIVO-DISUASORIOS DE SEGURIDADE VIARIA

- Ás 10.35 horas do 17 de abril, unha dotación deu o alto a un turismo na Rolda do Real Club Deportivo da Coruña e detectou que o seu condutor presentaba signos de acharse baixo os efectos de substancias estupefacientes. O home, de 57 anos, arroxou uns resultados positivos nas probas de drogas, pola presenza de opiáceos no organismo, polo que se lle tramitou unha denuncia administrativa que poderá supoñerlle unha sanción de 1.000 € e a perda de 6 puntos do seu permiso de conducir. Do vehículo que conducía fíxose cargo un coñecido do condutor habilitado e en condicións normais para conducir.

DETIDO POR ATENTADO A AXENTE DA AUTORIDADE

- Ás 23:15 horas do 17 de abril, unha patrulla foi comisionada pola Sala Operativa do 092 porque un home estaba a agredir aos sanitarios dunha ambulancia do 061 na vía pública. Xa no lugar, o persoal médico da ambulancia explicou á dotación que, intres antes, recriminaran a un mozo que estaba a causar danos en vehículos estacionados. A dotación dirixiuse ao mozo, que estaba tirado no chan, para interesarse polo seu estado, momento no que comezou a berrar e a insultar á patrulla. O mozo negouse a facilitar os datos para seren identificado, momento no que cuspiu na cara a un dos axentes, á vez que lanzou unha puñada a outro dos axentes que logrou esquivala. O home, de 28 anos, foi neutralizado e esposado, pero no intre en que estaba a ser introducido no vehículo policial, comezou a convulsionar, polo que se solicitou aos sanitaros do 061, aínda alí presentes, unha primeira atención do novo. Ao sacar ao mozo do vehículo policial, este comezou a falar con normalidade, polo que os sanitarios informaron que probablemente estivera a finxir as convulsións, dada a pronta recuperación. A pesar diso, para maior seguridade, o detido foi trasladado ao Hospital CHUAC para unha mellor valoración, polo que foi acompañado na ambulancia pola dotación que continúo a recibir insultos e ameazas durante todo o traxecto. Unha vez no complexo hospitalario, o mozo negouse a ser asistido e continuou coa mesma actitude contra o persoal sanitario. De regreso ao vehículo policial, o detido comezou a lanzar patadas contra a patrulla, chegando a impactar nun deles, sendo necesaria a forza mínima imprescindible para introducilo no vehículo de novo. No traslado a dependencias policiais, o mozo comezou a golpear a xanela traseira do coche ata conseguir arrincala. O detido quedou ingresado nos calabozos policiais a disposición xudicial, onde se lle tramitou unha denuncia por un concurso de dous delitos: atentado a axente da autoridade no exercicio das súas funcións e de danos en bens afectados ao servizo dos membros dos Corpos e Forzas de Seguridade. Outra dotación policial trasladouse ao lugar dos feitos para valorar os posibles danos nos vehículos estacionados e realizar as indagacións necesarias para localizar aos propietarios.