CONTROIS PREVENTIVO DISUASORIOS DE SEGURIDADE VIARIA

- Ás 04.23 horas do 13 de outubro, unha dotación detectou, na rúa Panadeiras, un condutor que circulaba con signos de atoparse baixo a influencia de bebidas alcohólicas, polo que foi sometido ás probas correspondentes. O home, de 41 anos, arroxou uns resultados positivos (0,80 e 0,85mg/l) polo que foi denunciado ante o Xulgado de Garda por un delito contra a seguridade viaria. Do vehículo que conducía fíxose cargo un coñecido do condutor habilitado e en condicións normais.

- Ás 05.00 horas do 13 de outubro, produciuse un accidente da clase `Raspado´ no cruzamento da Praza Pontevedra coa rúa Francisco Mariño no que estiveron implicados dous turismos. O condutor dun destes vehículos arroxou uns resultados positivos (0,37 e 0,35 mg/l) na proba de alcoholemia, polo que foi denunciado administrativamente por un delito contra a seguridade viaria. O vehículo que conducía foi inmobilizado e retirado ao Depósito municipal, como medida cautelar de seguridade.

- Ás 20.11 horas do 13 de outubro, no cruzamento da Rolda de Outeiro coa avenida do Ferrocarril, produciuse un accidente da clase `Raspado´ no que estiveron implicados varios turismos. O condutor dun destes vehículos arroxou uns resultados positivos (0,62 e 0,62mg/l) na proba de alcoholemia, polo que foi denunciado ante o Xulgado de Garda por un delito contra a seguridade viaria. O vehículo que conducía foi inmobilizado e retirado ao Depósito municipal, como medida cautelar de seguridade.

- Ás 01.50 horas do 14 de outubro, unha dotación deu o alto a un turismo na avenida do Ferrocarril e apreciou que o seu condutor presentaba signos de inxerir bebidas alcohólicas polo que se lle realizou a proba de alcoholemia. O home, de 52 anos, arroxou uns resultados positivos (0,69 e 0,62 mg/l), polo que podería ser sancionado con 1.000€ e coa retirada de 6 puntos do permiso de conducir. O vehículo que conducía, da marca e modelo Citroën C5, foi inmobilizado e retirado ao Depósito municipal como medida cautelar de seguridade.

- Ás 02.50 horas do 14 de outubro, na avenida Bos Aires, unha patrulla detectou que un condutor, un home de 37 anos, presentaba signos de atoparse baixo a influencia de bebidas alcohólicas, polo que foi sometido ás probas de impregnación alcohólica. O condutor arroxou uns resultados positivos (0,91 e 0,92 mg/l), polo que foi denunciado ante o Xulgado de Garda por un delito contra a seguridade viaria por conducir baixo os efectos de bebidas alcohólicas. O vehículo que conducía, da marca e modelo Audi Coupe, foi inmobilizado e retirado ao Depósito municipal, como medida cautelar de seguridade.

CONTROL SERVIZO MERCADILLO

- Ao longo da mañá do 9 de outubro e con motivo do servizo do Mercadillo da Sardiñeira, a Policía Local incautou un total de 19 vultos de obxectos que foron abandonados na vía pública polos vendedores ao detectar a presenza policial. Estes obxectos (roupa, zapatos e diversos produtos electrónicos de segunda man) foron recollidos polo servizo de limpeza municipal, habilitado especialmente para o servizo do mercadillo, dándolles o tratamento de residuos sólidos. Os vendedores non foron denunciados ao non poder ser identificados por fuxir á carreira.

- Ás 11.30 horas do 9 de outubro, unha patrulla identificou na contorna do Mercadillo da Sardiñeira a unha muller de 25 anos por estar a vender produtos perecedoiros en vía pública carecendo de licenza municipal. Esta muller foi denunciada por unha infracción contra a Lei da seguridade cidadá, ao ocupar a vía pública para a venda ambulante non autorizada e os produtos foron comisados e entregados á entidade benéfica Cociña Económica.

ACCIDENTES DE CIRCULACIÓN

- Ás 12.00 horas do 9 de outubro, na praza de Monforte, produciuse un accidente de circulación entre dous vehículos, da clase `arremetida´ e  sen feridos.

- Ás 15.00 horas do 9 de outubro, na rúa Ramón del Cueto, tivo lugar un accidente de circulación entre 4 vehículos,  tres deles estacionados, da clase `contra obstáculo fixo´ e sen feridos.

- Ás 16.26 horas do 9 de outubro, á altura do número 212 da Rolda de Outeiro, un ciclomotor, marca e modelo SYM X PROL 125, atropelou a un peón que estaba a cruzar por un paso peonil. O atropelado, un mozo de 14 anos, resultou ferido de carácter leve e trasladouse até o Hospital Teresa Herrera-Materno Infantil polos seus propios medios.

- Ás 21.10 horas do 9 de outubro á altura do número 100 da Rolda de Outeiro, un turismo chocou contra un semáforo e o seu condutor foi sometido ás probas de alcoholemia. O home, de 49 anos, arroxou uns resultados positivos (1,16 e 1,16 mg/l), polo que foi denunciado ante o Xulgado de Garda por un delito contra a seguridade viaria. O vehículo, da marca e modelo Ford Focus, foi retirado por un guindastre de asistencia.

- Ás 00.30 horas do 10 de outubro, rexistrouse denuncia dun accidente de circulación `contra obstáculo fixo´ que se producira ás 14.50 horas do 9 de outubro na rúa Ángel del Castillo, no que unha furgoneta branca causara danos a un turismo, Volkswagen Golf, que estaba estacionado.