Para conmemorar o Día do Libro, nos centros cívicos levaranse a cabo diferentes accións como mostras bibliográficas, exposición de paneis informativos, visitas guiadas ás bibliotecas municipais etc.

Dirixidos a nenas e nenos de 4 a 7 anos, realizaranse contacontos a través dos cales poderán vivir fantásticas aventuras acompañados polos personaxes máis famosos dos contos.

Podes consultar na seguinte listaxe a temática dos contacontos e os centros cívicos nos que se realizarán.

• "Aventuras no reino de Fantasía"

Dous irmáns son atrapados nun conto no que vivirán unha chea de aventuras acompañados por gnomos, bruxas e fadas.

• Venres 15 de abril ás 18.00 h no Centro Cívico de Monelos
• Venres 22 de abril ás 17.00 h no Centro Cívico de Mesoiro
• Sábado 23 de abril ás 12.00 h no Centro Cívico Eirís
• Martes 26 de abril ás 17.00 h no Centro Cívico Novoboandanza
• Venres 29 de abril ás 18.00 h no Centro Cívico Rosales

• "O Club de Bremen"

Catro intrépidos animais únense para formar un club de lectura no que vivirán e compartirán momentos marabillosos.

• Sábado 16 de abril ás 18.00 h no Centro Cívico Palavea
• Mércores 20 de abril ás 18.00 h no Centro Cívico Elviña
• Venres 22 de abril ás 17.30 h no Centro Cívico Cidade Vella
• Venres 22 de abril ás 18.30 h no Centro Cívico Os Mallos

• "Salvando Imagilandia"

Os viláns de todos os contos únense para acabar cos finais felices, pero todos xuntos venceremos e comeremos perdices.

• Mércores 20 de abril ás 18.00 h no Centro Cívico Artesáns
• Sábado 23 de abril ás 12.00 h no Centro Cívico Labañou

As prazas son limitadas, polo que é necesario anotarse previamente nas conserxerías dos centros cívicos onde se realizarán os contacontos.

Todas as nenas e os nenos que acudan, deberán estar acompañados por unha persoa adulta durante todo o contacontos (duración aproximada 45 minutos).