A próxima semana, a partir do día 27 de xuño, estarán dispoñibles para a súa consulta as listas provisionais de admitidos/as e excluídos/as. Estas listas provisionais publicaranse:

• Nas oficinas de Rexistro municipal situadas na praza de María Pita, núm. 1, no Fórum Metropolitano (rúa Río de Monelos, núm. 1) e no Centro Ágora (Lugar da Gramela, núm. 17)
• Nos taboleiros de anuncios dos centros cívicos municipais
• No taboleiro de anuncios e edictos do Concello da Coruña
• Nesta páxina web municipal
• No teléfono de información cidadá 010

Na listas provisionais detallaranse as familias ás que se lles require documentación, as que teñen a documentación completa e as que teñen a bolsa comedor denegada e o motivo de denegación.

Nos casos de requirimento de documentación, as persoas interesadas teñen un prazo máximo de 10 días hábiles para entregar a documentación requirida e son advertidas de que, no caso de non facelo, entenderase que desisten da súa solicitude de bolsa de comedor para o curso 2018/2019.

No caso de que algunha familia non estea de acordo coa denegación da bolsa comedor, poderá presentar alegacións unha vez que se publiquen as listas predefinitivas.

O momento de presentar alegacións ás listaxes será nun prazo de 10 días hábiles tras a publicación das listaxes predefinitivas. De facelo agora, as alegacións non estarían dentro de prazo.