De acordo co establecido na Base 10ª.2 das Bases reguladoras da convocatoria de bolsa de comedor escolar curso 2018/2019, o equipo do programa municipal de traballo con familias realizou a valoración das solicitudes admitidas a trámite ( Base 8ª das Bases reguladoras).

Neste proceso de valoración tívose en conta a documentación achegada polas persoas solicitantes na fase de admisión de solicitudes e na fase de requirimento de documentación ( Base 10ª.1 das Bases reguladoras).

O resultado deste proceso de valoración termina coa publicación da listaxe predefinitiva de bolsas de comedor escolar do curso 2018/2019. Esta listaxe predefinitiva pódese consultar nas oficinas de Rexistro municipal (situados no Pazo municipal, no Fórum Metropolitano e no Centro Ágora), no Teléfono de Información Cidadá 010, nos taboleiros de anuncios dos centros cívicos municipais, no Taboleiro de Edictos municipal e nesta páxina web ao final desta noticia.

Nesta listaxe predefinitiva recóllense:

• DNI das persoas solicitantes.
• Número de menores da unidade familiar para os que se solicita a bolsa.
• Centro cívico de referencia segundo lugar de residencia das persoas solicitantes.
• Resolución da solicitude, concedida ou denegada. Nos casos de denegación, indícase a causa.
• Puntuación obtida despois da aplicación do baremo recolleito nas Bases reguladoras desta convocatoria.

Se as persoas solicitantes, beneficiarias ou interesadas, non están de acordo co contido da listaxe publicada e desexan presentar alegacións a esta listaxe, teñen un prazo máximo de 10 días hábiles a partir do día seguinte da publicación da listaxe predefinitiva.

Por tanto, o prazo para presentar alegacións comprende do luns 23 de xullo ao luns 6 de agosto do presente ano 2018.