Os requisitos para participar nesta convocatoria son os seguintes:

- Persoas empadroadas e residentes no Concello da Coruña

- Atoparse, polo menos nunha, das seguintes situacións:

• Ser pensionista de xubilación do Sistema Español de Pensións.
• Ser pensionista de viuvez con idade igual ou superior a 55 anos.
• Ser pensionista por outros conceptos, ou perceptor de prestacións ou subsidios de desemprego, con 60 ou máis anos.
• Ser titular ou beneficiario/a do Sistema da Seguridade Social Española, con idade igual ou superior aos 65 anos.

- Ter unha capacidade económica persoal anual inferior ou igual a 12.031,34 € (1,6 veces o IPREM do ano 2017).

- Ter a autonomía suficiente para realizar actividades básicas da vida diaria e non padecer enfermidade ou deterioración cognitiva que incida na convivencia durante a viaxe.

Poderán incluírse na solicitude os fillos/as con discapacidade (grao mínimo do 45%) das persoas solicitantes coa condición de que esta discapacidade lles permita viaxar e que o fagan acompañados/as dos seus pais/nais compartindo con eles habitación.

O prazo para presentar as solicitudes será do 1 ao 8 de xuño, de luns a venres, en horario de 9.00 a 13.30 h. Coa solicitude, asinada e cuberta, é necesario presentar a seguinte documentación:

• Fotocopia do DNI das persoas solicitantes.
• Xustificante mensual actualizado da pensión das persoas solicitantes ou certificado negativo de pensións, se é o caso.
• Autorización asinada que consta na solicitude a favor do Concello da Coruña para realizar a consulta de datos tributarios das persoas solicitantes, ou ben, fotocopia da última declaración da renda.

As solicitudes e a documentación necesaria presentaranse na Oficina Municipal de Dependencia (OMAD), situada na rúa Doutor Enrique Hervada, nº 4, baixo.

É importante sinalar que as persoas que se preinscriban nesta convocatoria municipal non recibirán en setembro a carta informativa do IMSERSO.