Ao final desta noticia, podes consultar as dúas resolucións definitivas da convocatoria específica de subvencións para entidades de iniciativa social sen ánimo de lucro destinadas a actividades ou proxectos de interese social do Concello da Coruña, publicadas o 05/12/2018 no Taboleiro de Edictos municipal.

As resolucións poñen fin á vía administrativa, e contra elas poden interpoñer as persoas interesadas recurso de reposición ante o mesmo órgano que adoptou estas resolucións. O prazo é dun mes que se conta a partir do día seguinte ao da publicación das resolucións (artigos. 123 e seguintes da Lei 39/15, do 1 de outubro, do procedemento administrativo común das administracións públicas); ou interpoñer directamente recurso contencioso-administrativo ante o Xulgado do Contencioso-Administrativo no prazo de dous meses que se contan a partir do día seguinte ao da publicación destas resolucións (artigos 8 e 46 da Lei 29/98, do 13 de xullo, reguladora da xurisdición contencioso-administrativa), sen prexuízo de que as persoas interesadas poidan interpoñer calquera outro que estimen pertinente.